March 16, 2020
கொரோனா வைரஸ் காரணமாக அஜித் நடிக்கும் வலிமை மட்டும் சிம்புவின் மாநாடு திரைப்படத்தின் படப்பிடிப்புகள் ரத்து செய்யப்பட்டுள்ளது.
உலகம் முழுவதும் கொரோனா வைரஸ் தாக்கம் அதிகரித்து வருகிறது. இந்தியாவில் 80க்கும் மேற்பட்டோருக்கு இந்த வைரசினால் பாதிக்கப்பட்டுள்ளனர். இந்த வைரஸின் காரணமாக சினிமா படபிடிப்புகள் ரத்து செய்யப்பட்டு வருகின்றன.
இந்த நிலையில் அஜித் நடிப்பில் உருவாகி வரும் வலிமை திரைப்படத்தின் படப்பிடிப்பு ஹைதராபாத் ரமோஜி ஃபில்ம் சிட்டியில் நடைபெற்றது வருகிறது. அதே போல சிம்பு நடிப்பில் உருவாகி வரும் மாநாடு திரைப்படத்தின் படப்பிடிப்பும் ஹைதராபாத்தில் நடைபெற்று வந்த நிலையில் தற்போது கொரோனா வைரஸ் காரணமாக 19 ஆம் தேதி முதல் 31 ஆம் தேதி வரை படபிடிப்பு பணிகள் நிறுத்தப்படுவதாக படக்குழு தகவல் தெரிவித்துள்ளது.
இதே போல கொரோனா வைரஸ் காரணமாக ரஜினி நடிப்பில் உருவாகி வந்த அண்ணாத்த படத்தின் படபிடிப்பு பணிகளும் கார்த்தியின் சுல்தான், கமலின் இந்தியன் 2, விக்ரம் நடித்து வந்த கோப்ரா திரைப்படத்தின் படபிடிப்பு பணிகளும் நிறுத்தப்பட்டது. படபிடிப்பு மட்டும் அல்லாமல் கொரோனா வைரசால் திரைப்படங்களின் ரிலீஸ் தேதியும் மாற்றப்பட்டு வருகின்றன.