June 13, 2017 
தண்டோரா குழு
கூவத்தூர் தனியார் சொகுசு விடுதியில் அ.தி.மு.க., எம்.எல்.ஏ.,க்களுக்கு பணப்பட்டுவாடா வழங்கப்பட்டது குறித்து ஊடங்களில் வெளியான விடியோ தொடர்பாக விசாரணை நடத்த திமுக சார்பில் சென்னை உயர் நீதிமன்றத்தில் முறையிடப்பட்டுள்ளது.
முன்னாள் முதல்வர் ஜெயலலிதாவின் மறைவுக்கு பிறகு அதிமுக சசிகலா அணி, ஓபிஎஸ் அணி என இரண்டு அணிகளாக பிரிந்தது. இதனால் எடப்பாடி பழனிச்சாமி அரசின் மீதான நம்பிக்கை வாக்கெடுப்பு சட்டப்பேரவையில் நடைபெற்றது. இதில் எடப்பாடி பழனிச்சாமி அணி வெற்றி பெற்றது.
எடப்பாடி பழனிச்சாமி அரசின் மீதான நம்பிக்கை வாக்கெடுப்புக்கு முன்பு கூவத்தூர் விடுதியில் தங்க வைக்கப்பட்டிருந்த எம்.எல்.ஏ-க்களுக்கு கோடிகளில் பணம் கொடுக்கப்பட்டதாக செய்தி நிறுவனம் ஓன்று அம்பலப்படுத்தியுள்ளது.
இது தொடர்பாக தமிழக சட்டப்பேரவை எதிர்க்கட்சி தலைவர் மு.க ஸ்டாலின் தரப்பில் திமுக மூத்த வழக்கறிஞர் சண்முகசுந்தரம் முறையிட்டார். அதில் எம்.எல்.ஏ-க்களுக்கு பேரம் பேசியவர்கள் மீது உரிய நடவடிக்கை எடுக்கவும்,
ஜூலை 11-ம் தேதி ஒத்திவைக்கப்பட்ட நம்பிக்கை வாக்கெடுப்பு தொடர்பான வழக்கை அவசர வழக்காக விசாரிக்கவும் கோரப்பட்டது. மேலும் பேரம் பேசப்பட்ட விகாரத்தை சிபிஐ அல்லது வருவாய்துறையினர் கொண்டு விசாரணை நடத்தப்பட வேண்டும் என்றும் கோரப்பட்டுள்ளது.
இதனையடுத்து உரிய ஆதாரங்களுடன் மனுவாக தாக்கல் செய்தால், திமுக-வின் முறையீடு குறித்து வரும் 16-ம் தேதி விசாரணை நடத்தப்படும் என சென்னை உயர்நீதிமன்றம் அறிவித்துள்ளது.
கோவையில் நடைபெற்ற பெரிதினும் பெரிது கேள் : தொழில் முனைவோருக்கான மாபெரும் வழிகாட்டும் நிகழ்வு
தனிஷ்க் ஜுவல்லரியில் உங்கள் பழைய தங்கத்திற்கு புதிய நம்பிக்கை தொடர்கிறது- நவம்பர் 30 வரை சிறப்பு எக்ஸ்சேஞ்ச் திருவிழா நீடிக்கப்படுகிறது!
உஜ்ஜிவன் ஸ்மால் ஃபைனான்ஸ் பேங்க்–ன் வணிக செயல்திறன் ,புத்தகம் ஆண்டுக்கு ஆண்டு 52.9% அதிகரித்து ரூ.16,173 கோடியாக உயர்ந்துள்ளது
வி.ஜி.எம். மருத்துவமனையில் ‘சிந்தனைக் கவிஞர்’ கவிதாசனின் ‘உயர்தனிச் செம்மொழி’ புத்தகம் வெளியீடு
சத்குரு குறித்து பரவும் போலி விளம்பரங்களை நீக்க தொழில்நுட்பத்தைப் பயன்படுத்தவும் கூகுள் நிறுவனத்திற்கு டெல்லி உயர்நீதிமன்றம் உத்தரவு
உங்களுக்குள் வெளிச்சம் பரவட்டும்; வாழ்க்கை ஒளிரட்டும்! – சத்குருவின் தீபாவளி வாழ்த்து செய்தி
For English News
