• Download mobile app
29 Mar 2024, FridayEdition - 2970
FLASH NEWS
  • வள்ளுவரைப் பற்றிய அடிப்படை புரிதல் ஆளுநருக்கு இல்லை: கனிமொழி
  • தெலங்கானா முதலமைச்சராக பதவியேற்றார் ரேவந்த் ரெட்டி;
  • தமிழகத்தில் இயல்பை விட இந்த ஆண்டு, வடகிழக்கு பருவமழை குறைவு –
  • மிக்ஜாம் புயல்: தமிழ்நாட்டுக்கு ரூ.450 கோடி நிதி ஒதுக்கீடு!
  • மத்தியில் ஆட்சிக்கு வந்ததும் சாதிவாரி கணக்கெடுப்பை நடத்துவோம்-ராகுல் காந்தி

குடும்பத்துடன் நான் செல்லும் பயணங்களை அரசுமுறை பயணங்களுடன் ஒப்பிடுவதா? – முக ஸ்டாலின்

August 28, 2019 தண்டோரா குழு

குடும்பத்துடன் நான் செல்லும் பயணங்களை அரசுமுறை பயணங்களுடன் ஒப்பிடுவதா? என முக ஸ்டாலின் கேள்வி எழுப்பியுள்ளார்.

வெளிநாட்டு முதலீடுகளை தமிழகத்திற்கு ஈர்க்கும் வகையில், முதல்வர் பழனிசாமி 14 நாள் பயணமாக, பிரிட்டன், அமெரிக்கா நாடுகளுக்கும், துபாய் நகரத்திற்கும் சுற்றுப்பயணம் சென்றுள்ளார். வெளிநாடு செல்லும் முன் விமான நிலையத்தில் செய்தியாளர்களிடம் பேசிய முதல்வர் பழனிச்சாமி திமுக தலைவர் ஸ்டாலினின் வெளிநாட்டு பயணத்தில் ஒளிந்திருக்கும் மர்மம் என்ன? நான் வெளிநாடு செல்வதை மட்டும் ஸ்டாலின் கொச்சைப்படுத்துவது ஏன்?’ என கேள்வி எழுப்பியிருந்தார்.

இதற்கு பதிலளித்துள்ள திமுக தலைவர் ஸ்டாலின்,

எனது வெளிநாட்டு பயணங்கள் எல்லாம் வெளிப்படையானவை. குடும்பத்துடன் நான் செல்லும் பயணங்களை அரசுமுறை பயணங்களுடன் ஒப்பிடுவதா? திமுக ஆட்சியில் வெளிநாட்டு பயணம் செல்லாமலேயே வெளிநாட்டு முதலீடுகள் ஈர்க்கப்பட்டன. ஆனால் முதலீட்டாளர்கள் மாநாடு நடத்தியும் முதலீடு கிடைக்காமல், தனிமரமாக அதிமுக அரசு தத்தளித்து வருகிறது. வெளிநாட்டு பயணம் சென்று முதலீட்டை பெற வேண்டிய நிலையில் உள்ளது. முதல்வரின் இந்த வெளிநாட்டு பயணத்தின் உண்மை நிலை என்ன? தமிழக மக்களிடையே நிலவி இருக்கும் சந்தேகங்களுக்கு நேர்மையான பதில் அளிக்க வேண்டும் என கேட்டுள்ளார்.

மேலும் படிக்க