May 4, 2023 
தண்டோரா குழு
கோவை காந்திபுரம் டவுன் பேருந்து நிலையத்தில் ஆக்கிரமிப்புகள் அகற்றம் செய்யப்பட்டன.
கோவை மாநகராட்சி சார்பாக பொதுமக்கள் கூடும் இடங்கள்,பேருந்துநிலையங்கள், நடைபாதைகள் என பல்வேறு இடங்களில் ஆக்கிரமிப்புகள் அகற்றம் முழு வீச்சில் நடைபெற்று வருகிறது.இதுதவிர மாநகராட்சிக்கு சொந்தமான இடங்கள், பூங்கா இடங்கள் போன்றவைகளும் மீட்கப்பட்டு வருகின்றன.
இந்நிலையில் கோவை காந்திபுரம் டவுன் பேருந்து நிலையத்தில் ஆக்கிரமிப்புகள் தொடர்பாக புகார் எழுந்தது. இதனை அடுத்து பேருந்துநிலையம் உள்ளே மற்றும் வெளியே அனுமதியின்றி வைக்கப்பட்ட கடைகள், கடைகளின் முன்பகுதிகள் போன்ற 20க்கும் மேற்பட்ட ஆக்கிரமிப்புகள் மாநகராட்சி அதிகாரிகளால் அதிரடியாக அகற்றப்பட்டன.
For English News
