December 16, 2017 
தண்டோரா குழு
டெல்லியில் உள்ள காங்கிரஸ் தலைமை அலுவலகத்தில் காங்கிரஸ் கட்சியின் 87வது தலைவராக ராகுல் காந்தி பதவியேற்றார்.
காங்கிரஸ் கட்சியின் தலைவராக சோனியா காந்தி தொடர்ந்து 19 ஆண்டாக பதவி வகித்தார். ஆனால், உடல் நலக்குறைவு காரணமாக அவரால் அரசியலில் முழுமையாக ஈடுபட முடியவில்லை. இதையடுத்து, புதிய தலைவருக்கான தேர்தலில் ராகுல் காந்தி மனுதாக்கல் செய்தார். எனினும் அவரை எதிர்த்து யாரும் போட்டியிடாததால், காங்கிரஸ் தலைவராக ராகுல் கடந்த 11ம் தேதி தேர்ந்தெடுக்கப்பட்டார்.
இந்நிலையில் ராகுல் காந்தி இன்று முறைப்படி கட்சி தலைவராக பதவி ஏற்றுக் கொண்டார். இந்த பதவியேற்பு நிகழ்ச்சியில் சோனியா, மன்மோகன் சிங் உள்ளிட்டோர் பங்கேற்றனர்.நேரு குடும்பத்திலிருந்து வரும் 6வது காங்கிரஸ் தலைவராக ராகுல் பதவியேற்றதை தேர்தல் ஆணையம் அங்கீகரித்து சான்றிதழ் வழங்கியது.
ராகுல் காந்திக்கு கட்சியின் மூத்த தலைவர்கள் வாழ்த்து தெரிவித்து வருகின்றனர். ராகுல் தலைவரானதை முன்னிட்டு நாடு முழுவதும் காங்கிரஸ் தொண்டர்கள் உற்சாகமாக கொண்டாடி வருகின்றனர்.
கோவையில் உலக புற்றுநோய் தினம்: பி.எஸ்.ஜி. மருத்துவமனையில் ‘ஒற்றுமையின் மரம்’ நட்டு விழிப்புணர்வு!
ஸ்கோடா கைலாக் 50,000 கார்கள் விற்பனை செய்து மைல்கல்லை கொண்டாடி ஓராண்டு சாதனை பதிவு செய்தது
ஶ்ரீ ராமகிருஷ்ணா மருத்துவமனை சார்பில் சமூக வலைத்தளம் மூலம் புற்றுநோய் விழிப்புணர்வு இயக்கம் மற்றும் இலவச புரோஸ்டேட் புற்றுநோய் பரிசோதனை துவக்கம்
லெஜண்ட்ஸ் லீக் கிரிக்கெட் போட்டி: கோவை உள்ளிட்ட 6 நகரங்களில் மார்ச் மாதம் துவக்கம்
இந்திய மாணவர் இஸ்லாமிய அமைப்பு சார்பில் மாணவர்கள் தேர்தல் அறிக்கை (தமிழ்நாடு சட்டப்பேரவை தேர்தல் -2026) வெளியீடு
கோவை ஜெம் மருத்துவமனை சார்பில் செயற்கை நுண்ணறிவு (AI) விழிப்புணர்வு தளம் “டாக்டர் ஜெம்” அறிமுகம்
For English News
