July 11, 2020 
கொரொனாவால் வேலையில்லாத நிலையில் கணவரிடம் கந்து வட்டி கேட்டு தாக்கியவர்கள் மீது உரிய நடவடிக்கை எடுக்கக்கோரி ஆட்சியரிடம் மனு அளிக்க இருப்பதாக அவரது மனைவி தெரிவித்தார்.
கோவை வடவெள்ளி பகுதியைச்சேர்ந்தவர் மூர்த்தி.துப்புரவு தொழிலாளியான இவருக்கு மஞ்சு என்ற மனைவியும் மூனு மகன்களும் இருக்கின்றனர். கடந்த நான்கு வருடங்களுக்கு முன்பு இவர் சாய்பாபா காலனியிலுள்ள தனியார் மருத்துவமனையில் துப்புரவு பணியாளராக பணிபுரிந்த போது கவுண்டம்பாளையத்தை சேர்ந்த செல்வி என்பவரிடம் 60 ஆயிரம் ரூபாயை கந்து வட்டிக்கு கடன் வாங்கி இருந்தார். கடன் வாங்கிய போது அவரது ஏடிஎம் மற்றும் வங்கி புத்தகத்தை செல்வி வாங்கி வைத்துக்கொண்டார். மாதம் தோறும் 6 ஆயிரம் ரூபாயை என வட்டியாக செல்வி நான்கு வருடங்களாக எடுத்து வந்துள்ளார்.
இந்நிலையில் கொரொனா பிரச்சனை காரணமாக மூர்த்திக்கு வேலையில்லாமல் இருந்துள்ளார். வங்கியில் பணமில்லாததால் செல்விக்கு வட்டிப்பணத்தை வாங்க ரமேஷ் என்ற அடியாளை மூர்த்தியின் வீட்டுக்கு இரு நாட்களுக்கு முன்பு அனுப்பியுள்ளார். வீட்டில் மூர்த்தி இல்லாததை அறிந்த ரமேஷ் அவரது மனைவி மஞ்சுவிடம் பாலியல் ரீதியாக பேசியுள்ளதாக கூறப்படுகிறது. இதனையடுத்து மூர்த்தியிடம் அவரது மனைவி நடந்த சம்பவத்தை கூறியவுடன் அவர் செல்வியை வந்து இரு நாட்களுக்கு பிறகு வட்டி பணத்தை பெற்றுக்கொள்ள சொல்லியுள்ளார்.
இந்நிலையில் நேற்று மாலை செல்வி , ரமேஷ் மற்றும் இரு அடியாட்களுடன் வந்து மூர்த்தியை அடித்துள்ளனர். இதனால் மூர்த்தி காலில் பயங்கர அடி ஏற்பட்டு 8 தையல் போடப்பட்டு அரசு மருத்துவமனையில் உள்காயத்திற்காக சிகிச்சையில் அனுமதிக்கப்பட்டுள்ளார். தனது கணவரை சாதி ரீதியாக திட்டி தாக்கிய செல்வி, ரமேஷ் உள்ளிட்ட இருவரை கைது செய்யக்கோரி மாவட்ட ஆட்சியரிடம் மனு அளிக்க இருப்பதாக அவரது மனைவி மஞ்சு தெரிவித்தார்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
