February 15, 2017 
தண்டோரா குழு
லிபியாவில் இருந்து பல்வேறு காரணத்திற்காக கடத்தப்பட்ட 13 எகிப்தியர்களை விடுதலை செய்ததாக அந்நாடு அறிவித்துள்ளது.
2௦11ம் ஆண்டு முதல் பல்வேறு குழப்பம் மற்றும் பாதுகாப்பு பிரச்சனை நிறைந்த பகுதியான கிழக்கு லிபியாவிற்கு 13 எகிப்தியர்கள் கடத்தப்பட்டனர். புதன்கிழமை(பிப்ரவரி 15) விடுதலை செய்யப்பட்டுள்ளனர் என்று எகிப்து ராணுவம் அறிவித்துள்ளது.
எகிப்து ராணுவத்தின் செய்திதொடர்பாளர் கர்ணல் தமர்-அல்-ரிபாய் கூறுகையில், “வடகிழக்கு லிபியாவின் அஜ்டபியா பகுதியை சேர்ந்த ஆயுதமேந்திய கும்பல் 13 எகிப்தியரை கடத்தியது” என்றார்.
எகிப்து ராணுவ அலுவலகம் வெளியிட்ட அறிக்கையில், “லிபியாவின் ராணுவ ஜெனரலுடன் ஒருங்கிணந்து செயல்பட்டதால் அவர்களுடைய விடுதலை சாத்தியமானது” என்று கூறியுள்ளது.
2௦11ல் நடந்த புரட்சியில் நீண்ட நாள் சர்வாதிகாரியாக இருந்த மோமர் கடாஃபி போராளிகளின் உதவியுடன் பதவியில் இருந்து தூக்கி எறியப்பட்டார். அதன் பிறகு லிபியா பல அரசியல் மற்றும் பாதுகாப்புப் பிரச்சினைகளில் சிக்கி தவித்தது.
2௦15ம் ஆண்டு ஐஎஸ் குழு எகிப்தை சேர்ந்த 21 கிறிஸ்தவர்களின் தலை வெட்டப்படும் காணொளியை வெளியிட்டது. இந்த அட்டூழியத்திற்கு பதிலடி தர ஐஎஸ் குழு இருந்த பகுதிகளில் விமானத் தாக்குதல்களை எகிப்து நடத்தியது. இதையடுத்து லிபியாவிற்கு புலம்பெயர்ந்த ஆயிரக்கணக்கான எகிப்து மக்கள் மீண்டும் தாயகம் திரும்பினர் என்பது குறிப்பிடத்தக்கது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
