April 8, 2017 
தண்டோரா குழு
ஐக்கிய நாடுகளின் பொதுச்செயலாளர் அன்டோனியா குட்ராஸ் நோபல் பரிசு பெற்ற மலாலா யூசுப்பை ஐ.நா.வின் அமைதியின் தூதராக தேர்ந்தெடுத்துத்துள்ளார்.
1997ம் ஆண்டு ஜூலை 12ம் தேதி பிறந்த மலாலா, வடமேற்கு பாகிஸ்தானின் கைபர் பக்துன்க்ஹவா என்னும் இடத்திலுள்ள ஸ்வாத் பள்ளத்தாக்கில் பெண்கள் பள்ளிக்கு செல்லக்கூடாது என்று தலிபான் உத்தரவிடிருந்தது. அதையும் மீறி பள்ளிக்கு சென்ற பெண்களை கடுமையாக தண்டித்தனர்.
அந்த சூழ்நிலையில், பெண்களுக்கு கட்டாயமாக கல்வி கற்க வேண்டும் என்று போராடி வந்தார். அவருடைய போராட்டத்தை எப்படியாவது நிறுத்த வேண்டும் என்று முடிவு செய்தது தலிபான் அமைப்பு. இதையடுத்து, 2௦12ம் ஆண்டு அக்டோபர் 9ம் தேதி மதிய நேரத்தில் ஒரு தலிபான் அவரை துப்பாக்கியால் சுட்டான்.
ஆபத்தான நிலையில் ராவல்பிண்டி இதய மருத்துவமனையில் சேர்க்கப்பட்டார். அங்கிருந்து சிகிச்சைக்காக இங்கிலாந்தின் பிர்மிங்ம்ஹாம் நகரிலுள்ள ராணி எலிசபெத் மருத்துவமனைக்கு கொண்டு செல்லப்பட்டார். இந்த சம்பவம் மலாலாவுக்கு சர்வதேச நாடுகளிலிருந்து ஆதரவு வந்தது.
இதனையடுத்து குணமடைந்து மருத்துவமனையிலிருந்து வந்த பிறகும், தனது போரரட்டத்தை தொடர்ந்தார். அவருடைய நல்முயற்சிக்கு நோபல் பரிசு பெற்ற இளம் வயது பெண் என்ற பெருமை அவரையே சேரும்.
“மிகவும் ஆபத்தான நிலையிலும், சிறிதும் அஞ்சாமல் பெண்களின் உரிமைக்காக குரல் கொடுத்தும், நிகரில்லாத அர்பணிப்பும் கொண்டவராக இருக்கிறார் மலாலா” என்று ஐ.நாவின் பொதுச் செயலாளர் தெரிவித்தார்.
ஹாலிவுட் நடிகர் மைகேல் டக்லாஸ், லியோனார்டோ டி காப்ரியோ, வன விலங்குகள் நிபுணர் ஜேன் குட்ஆல் மற்றும் இசை கலைஞர்கள் டேனியல் பாரேன்போயிம் மற்றும் யோ யோ மா ஆகியோரும் அமைதியின் தூதர்களாக இருந்துள்ளனர் என்பது குறிப்பிடத்தக்கது.
யானைகளின் பெயரை கூறி விவசாயிகளின் வாழ்வாதாரத்தை அழிக்க முயற்சிக்கும் வனத்துறை -தொண்டாமுத்தூர் விவசாயிகள் கண்டனம்
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
For English News
