June 10, 2017 
தண்டோரா குழு
உத்தர பிரதேசத்தில் இருந்து ரயில் மூலம் கோவா தப்பிச் சென்ற பசு ஒன்று அதன் உரிமையாளருடன் மீண்டும் செல்ல மறுக்கும் சம்பவம் ஆச்சரியத்தை பெரும் ஏற்படுத்தியுள்ளது.
உத்தரபிரதேச மாநிலத்தை சேர்ந்த விவசாயி ஒருவரின் பசு ஒன்று கடந்த இரண்டு வாரங்களுக்கு முன்பு காணாமல் போயுள்ளது. இதையடுத்து, அவர் பசு காணாமல் போனது குறித்து காவல்நிலையத்தில் புகார் அளித்துள்ளார். இதற்கிடையில், உபி.யில் காணாமல் போன பசு கோவாவில் உள்ள பலோலம் கடற்கரையில் இருப்பதை வாட்ஸ்ஆப்மூலம் போலீசார் கண்டுபிடித்துள்ளனர். இதையடுத்து, பசுவின் உரிமையாளர் அதனை அழைத்துவர கோவா சென்றுள்ளார்.
எனினும், உபியில் இருந்து எப்படி இந்த பசு கோவாவிற்கு வந்தது என போலீசார் விசாரணை நடத்தியுள்ளனர். அப்போது,லக்னோவில் இருந்து ரயில் மூலம் பசு கோவா வந்துள்ளது தெரியவந்துள்ளது.
மேலும், ஏசி அறையில் பசுபயணம் செய்ததை டிக்கெட் பரிசோதகர் கவனித்துள்ளார். ஆனால், எங்கே பசுவை கீழே இறக்கவிட்டால், பசு பாதுகாப்பு படையினர் மூலம் தனக்கு ஏதேனும் பிரச்சனை வந்து விடுமோ என எண்ணிய அவர், பசுவைதொந்தரவு செய்யாமல் விட்டுள்ளார்.
இந்நிலையில், பசுவை தன்னுடன் உபி.க்கு அழைத்து செல்ல கோவா சென்ற விவசாயி பசுவை தன்னுடன் வரும்படி அழைத்துள்ளார்.ஆனால் பசுவோ அவருடன் செல்ல மறுத்து முரண்டு பிடித்து வருகிறது. எனினும் அவர் பசுவை வலுக்கட்டாயமாக இழுத்துள்ளார். அது அந்த இடத்தை விட்டு நகராமல் விடாப்பிடியாக அங்கேயே அமர்ந்துவிட்டது. இதனால் பசுவின் உரிமையாளரான அந்த விவசாயி செய்வதறியாமல் திகைத்து வருகிறார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
