May 30, 2017 
தண்டோரா குழு
உத்தரப்பிரதேசத்தில் மதுபான விடுதியை பெண்கள் மற்றும் குழந்தைகள் நல்வாழ்வுத் துறை அமைச்சர் சுவாதி சிங் திறந்துள்ளது பெரும் சர்ச்சை ஏற்பட்டுள்ளது.
உ.பி.யில் முதல் அமைச்சர் யோகி அதித்யநாத் தலைமையிலான பாஜக அரசு புதிதாகப் பதவி ஏற்றுள்ளது.யோகியின் அதிரடி உத்தரவுகளால் நாடு முழுவதும் உத்தரப்பிரதேசம் விவாதப் பொருளாகியுள்ளது.
இந்நிலையில், உ.பி.யின் மகளிர் நலத்துறை அமைச்சர் ஸ்வாதி சிங் கடந்த சனிக்கிழமை தலைநகரான லக்னோவில் ஒரு தனியார் நிறுவனத்தின் மதுபான விடுதியை திறந்து வைத்தது தற்போது பெரும் சர்ச்சையை ஏற்படுத்தியுள்ளது.
“மாநிலம் முழுவதிலும் உள்ள பெண்கள் மதுக்கடைகளை மூடக்கோரி வருகின்றனர். ஆனால், புதிதாக மதுபான விடுதியை திறக்க உ.பி அமைச்சர் நேரில் செல்கிறார். இது உ.பி.யில் மதுவுக்கு ஆதரவளிக்கும் பாஜக அரசின் செயல்பாடுகளை காட்டுகிறது. இதைக் கண்டித்து காங்கிரஸ் போராட்டம் நடத்தும்” என உ.பி மாநில காங்கிரஸ் செய்தி தொடர்பாளரான அகிலேஷ்சிங் தெரிவித்துள்ளார். அதைப்போல் அமைச்சர் மதுப்பான விடுதியை திறந்து வைத்தற்கு சமாஜ்வாதி கட்சியும் கடுமையாகக் கண்டித்து அறிக்கை வெளியிட்டுள்ளது.
மேலும், அமைச்சர் திறந்து வைத்த மதுபான விடுதிக்கும் முறையான அரசு உரிமமும் இல்லை எனக் கூறப்படுகிறது.
இது குறித்து பாஜகவின் உ.பி. மாநில செய்தி தொடர்பாளர் ஷலாப் மணி திரிபாதி கூறுகையில்,
“இந்த சம்பவம் எனது கவனத்திற்கு வரவில்லை. அப்படி சென்றிருந்தால் அது அவரது தனிப்பட்ட நிலையாக இருக்கும். ஆனால், அந்த விழாவுக்கு சென்றது தொடர்பாக அமைச்சர்தான் பதில் அளிக்க வேண்டும்” எனக் கூறியுள்ளார்.
இதற்கிடையில் இந்த நிகழ்வு தொடர்பான புகைப்படம் கடுமையான விமர்சனங்களுடன் சமூக வலைதளைங்களில் பரவி வருகிறது.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
