December 24, 2021 
தண்டோரா குழு
உள்ளாட்சித் தேர்தலில் பணியாற்றும் பணியாளர்களுக்கான தேர்தல் பயிற்சி கூட்டம், மாநகராட்சி மத்திய மண்டல அலுவலகத்தில் நடைபெற்றது.
கோவை மாநகராட்சி, மத்திய மண்டல அலுவலகத்தில் வருகின்ற நகர்ப்புற உள்ளாட்சித் தேர்தலில் பணியாற்றும் அலுவலர்களுக்கு தேர்தல் நடத்துவதற்கான பயிற்சி கூட்டம் மாநகராட்சி ஆணையர் ராஜகோபால் சுன்கரா தலைமையில் நடைபெற்றது.
இதுகுறித்து, அவர் கூறியதாவது:
வருகின்ற நகர்ப்புற உள்ளாட்சித் தேர்தலில் உதவித் தேர்தல் அலுவலர்களாகவும், பொறுப்பு அலுவலர்களாகவும் பணிபுரிய உத்தரவிடப்பட்டுள்ள கோவை மாநகராட்சியின் அலுவலர்களுக்கு,மாநில தேர்தல் ஆணையத்தின் புத்தகம் மற்றும் தமிழ்நாடு பேரூராட்சிகள், நகராட்சிகள், மூன்றாம் நிலை நகராட்சிகள் மற்றும் மாநகராட்சி மன்றங்களுக்கான தேர்தல் விதிகள் 2006 ஆகியவற்றில் உள்ள வழிமுறைகளின் படி பயிற்சி வழங்கப்பட்டுள்ளது என்றார்.
இந்தக் கூட்டத்தில் மாநகராட்சி துணை ஆணையர் மற்றும் உதவி தேர்தல் நடத்தும் அலுவலர் ஷர்மிளா, மாநகரப் பொறியாளர் (பொறுப்பு) ராமசாமி உள்ளிட்ட மாநகராட்சி அலுவலர்கள் கலந்து கொண்டனர்.
For English News
