April 22, 2025 
தண்டோரா குழு
உலக புவி தினத்தை முன்னிட்டு கோவை கருமத்தம்பட்டி பகுதியில் ஜெஸ்ஸி மிஸ் கோச்சிங் அகாடமி மற்றும் ஹரி மருத்துவமனை சார்பாக விழிப்புணர்வு நிகழ்ச்சி மற்றும் நீர் மோர் பந்தல் துவங்கப்பட்டது.
புவியின் சுற்றுச் சூழல் மாசடைவதைத் தடுக்கும் நோக்கோடு அனைத்து நாடுகளிலும் உலக புவி தினம் கடைப்பிடிக்கப்படுகிறது.இந்நிலையில் கோவையில் உலக புவி தினத்தை முன்னிட்டு கோவையை அடுத்த கருமத்தம்பட்டி பகுதியில் முதன் முறையாக பொது மக்களுக்கு சுற்றுச்சூழல் பாதுகாப்பு பற்றிய தகவல்கள் குறித்து விழிப்புணர்வு நிகழ்ச்சி நடைபெற்றது.
ஜெஸ்ஸி மிஸ் கோச்சிங் அகாடமி எனும் ஜே.எம்.சி.அகாடமி மற்றும் ஹரி கண் மற்றும் பொது மருத்துவமனை ஆகியோர் இணைந்து நடத்திய இதில்,புவி தினத்தை முன்னிட்டு, மரக்கன்று நடும் நிகழ்வுகள், சுத்தம் செய்யும் நடவடிக்கைகள், மறுசுழற்சி போன்ற செயல்கள் குறித்து பொதுமக்களுக்கு விழிப்புணர்வு ஏற்படுத்தப்பட்டது.
முன்னதாக புவியின் வெப்பம் அதிகரிப்பதால் பொதுமக்கள் போதுமான அளவு நீர் பருக வேண்டும் என்பதை கூறும் விதமாக நீர் மோர் பந்தல் திறக்கப்பட்டு அனைவருக்கும் நீர் மோர் வழங்கப்பட்டது.
தொடர்ந்து கருமத்தம்பட்டி பகுதியில் விரைவில் துவங்கப்பட உள்ள ஜெ.எம்.சி. அகாடமி குறித்து மாணவ,மாணவிகள் மற்றும் பெற்றோர்களிடையே எடுத்து கூறப்பட்டது.
நிகழ்ச்சியில், ஜே.எம்.சி.அகாடமி இயக்குனர்கள் விக்டர் ஜார்ஜ்,ஜெசிந்தா லீமா ரோஸ்,ஹரி மருத்துவமனையின் நிர்வாக இயக்குனர் கவிதா பாஸ்கரன், ஹோலி ரோசரி மெட்ரிக் பள்ளியின் முதல்வர் வர்கீஸ் ராஜூ உட்பட பலர் கலந்து கொண்டனர்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
