June 16, 2017 
தண்டோரா குழு
உச்ச நீதிமன்றத்தின் முன்னாள் தலைமை நீதிபதி பி.என்.பகவதி இன்று டெல்லியில் உடல்நலக் குறைவு காரணமாக காலமானார். அவருக்கு வயது 95.
மும்பை உயர்நீதிமன்றத்தில் வழக்கறிஞராக பணியாற்றிய போது பல்வேறு வழக்குகளில் திறம்பட வாதாடிய அவர்,1960-ம் ஆண்டு குஜராத் உயர்நீதிமன்ற நீதிபதியாக பணியாற்றினார். 1973 ஆம் ஆண்டு அவர் உச்ச நீதிமன்றத்தின் நீதிபதியாக நியமனம் செய்யப்பட்டார். 1985 ஆம் ஆண்டு ஜூலை மாதம் முதல் 1986 ஆம் ஆண்டு டிசம்பர் மாதம் வரை உச்ச நீதிமன்றத்தின் தலைமை நீதிபதியாக பதவி வகித்தார்.
பகவதி மறைவையொட்டி பிரதமர் நரேந்திர மோடி இரங்கல் தெரிவித்துள்ளார்.இது தொடர்பாக ட்விட்டரில் வெளியிட்டுள்ள இரங்கல் செய்தியில்,
“பி.என்.பகவதியின் இறப்பு பெரும் சோகத்தை கொடுக்கின்றது. அவரின் செயற்பாட்டால் இந்திய நீதித்துறை சுலபமாக அணுகக்கூடிய வகையில் மாறியது”.
என்று ட்விட்டர் மூலம் பதிவு செய்துள்ளார்.
For English News
