November 29, 2025 
தண்டோரா குழு
இந்து தர்ம பாதுகாப்பு பேரவையின் தமிழ்நாடு மாநில துணைத் தலைவராகப் பொறுப்பேற்றுள்ள மருதமலையார் (எ) மருதமலை ஏ.கே.ஜி. சித்தார்த் அபிமன்யு, கோயம்புத்தூர் விமான நிலையத்தில் இன்று பத்திரிக்கையாளர்களைச் சந்தித்தார்.
அப்போது பேசிய அவர்,
தனது ஆன்மீக மற்றும் அரசியல் ரீதியான அடுத்தகட்ட நிகழ்வுகள் குறித்துப் பேசினார்.
சமீபத்தில் மாநிலத் துணைத் தலைவராகப் பொறுப்பேற்ற சித்தார்த் அபிமன்யு, புதுச்சேரிக்குச் சென்று அங்குள்ள முக்கிய அரசியல் தலைவர்களைச் சந்தித்து வாழ்த்து பெற்றார். குறிப்பாக, புதுச்சேரி முதலமைச்சர் என். ரங்கசாமி, அமைச்சர்கள் லட்சுமி நாராயணன், ஜான்குமார் மற்றும் புதுச்சேரி பாஜக மாநிலத் தலைவர் ஆகியோரை நேரில் சந்தித்து தனது புதிய பதவிக்கான ஆசீர்வாதங்களைப் பெற்றுக்கொண்டார்.
புதுச்சேரி பயணத்தை முடித்துக்கொண்டு கோவை திரும்பிய அவர், தனது அடுத்தகட்டமாகப் பிரசித்தி பெற்ற மருதமலை முருகன் திருக்கோயிலுக்குச் சென்று சிறப்பு வழிபாடு நடத்த இருப்பதாகவும், அங்கு முருகப் பெருமானை தரிசனம் செய்ய உள்ளதாகவும் தெரிவித்தார்.
மேலும், கோயம்புத்தூர் மண்டலத்தில் உள்ள முக்கிய பாஜக பிரமுகர்கள் மற்றும் மூத்த தலைவர்களைச் சந்தித்து, இந்து தர்ம பாதுகாப்பு பேரவையின் பணிகள் குறித்தும், ஆன்மீகப் பணிகள் குறித்தும் விவாதிக்க உள்ளதாகவும் கூறிய அவர் இந்துக்கள் அனைவரும் தினமும் கோவிலுக்கு செல்ல வேண்டும், காவி உடை அணிய வேண்டும்,எல்லோருக்கும் ஆன்மீக நம்பிக்கை இருக்கும், அனைத்து மதத்தினர் மதிக்க வேண்டும் என்றார்.
இந்தச் சந்திப்பின் போது, சித்தார்த் அபிமன்யு அவர்களுடன் அவரது சகோதரர் லோகேஷ் அபிமன்யு உடனிருந்தார். முன்னதாக, கோயம்புத்தூர் விமான நிலையம் வந்தடைந்த அவருக்கு உற்சாக வரவேற்பு அளிக்கப்பட்டது.
இந்துக்கள் அனைவரும் காவி உடை அணிய வேண்டும் – கோவையில் சித்தார்த் அபிமன்யு பேட்டி
கோவையில் நடைபெற்ற “யுவா ஐஏஜ் – எண்டோ இன்சைட் 2025” மருத்துவ கருத்தரங்கு
PSG இன்ஸ்டிடியூட் ஆப் மெடிக்கல் சயின்சஸ் அண்ட் ரிசர்ச் (PSG IMSR) இல் NAPTICON என்ற தேசிய மருத்துவ மாநாடு துவக்கம்
தொழில்முனைவோர்களுக்கு ஏ.ஐ. ஒரு வரம்!‘இன்சைட்’ நிகழ்ச்சியில் சத்குரு பேச்சு
இந்தியாவின் 7 இருக்கை வசதி கொண்ட புதிய எலக்ட்ரிக் ‘எக்ஸ்இவி 9எஸ்’ எஸ்யூவி கார்: மஹிந்திரா அறிமுகம்
கோத்தகிரி ஜூட்ஸ் பள்ளி மற்றும் ஜூனியர் கல்லூரியின் 46வது ஆண்டு விழா !
For English News
