January 2, 2018 
தண்டோரா குழு
நடிகர் ரஜினிகாந்த் ஆன்மீக அரசியல் என்றால் என்ன என்பது குறித்து விளக்கமளித்துள்ளார்.
நடிகர் ரஜினிகாந்த் கடந்த வாரம் தனது ரசிகர்களை சந்தித்து புகைப்படம் எடுத்துக்கொண்டார். ரசிகர்கள் சந்திப்பின் இறுதி நாளில் தனது அரசியல் பிரவேஷம் குறித்து அறிவித்தார். ரஜினிகாந்த் தன்னுடைய அரசியல் என்பது ஆன்மீக அரசியல் என்று கூறினார்.
இதற்கிடையில், ரஜினியின் அரசியல் அறிவிப்பை அவரது ரசிகர்கள் ஒருபக்கம் கொண்டாடி வந்தாலும்,அது என்ன ஆன்மீக அரசியல் என்று பலரும் குழப்பமடைந்தனர்.ஒருபுறம் ரஜினியை பாஜக பின்னால் இருந்து இயக்குவதாகவும் பலர் கருத்து தெரிவித்தனர். இதனால் சமூக வலைதளங்களிலும் ரஜினியின் ஆன்மீக அரசியல் குறித்து ஏராளமான மீம்ஸ் பகிர்ந்து கொண்டிருக்கிறார்கள்.
இந்நிலையில், போயஸ் கார்டன் இல்லத்தில் செய்தியாளர்களை சந்தித்த ரஜினி,
உண்மையான, நேர்மையான, நாணயமான, சாதி, மத சார்பற்ற அறவழி அரசியலே ஆன்மீக அரசியல்.அரசியல் அல்லாமல் பார்த்தால், ஆன்மீகம் ஆத்மாவுடன் தொடர்புடையது”என விளக்கம் அளித்தார்.
மேலும், மக்களிடம் என்னை முறையாக கொண்டு சேர்த்த ஊடகங்களுக்கு நன்றி. ஊடகங்களை எவ்வாறு கையாள்வது என்று எனக்கு தெரியவில்லை கட்சி கொடி தயாரிக்கும் பணி தற்போது நடைபெற்று வருகிறது என ரஜினி கூறினார்.
For English News
