September 5, 2017 
தண்டோரா குழு
அமெரிக்காவின் கான்ஃபெடரேட் மோட்டார் சைக்கிள் நிறுவனம் புதிய மோட்டார் சைக்கிளை அறிமுகம் செய்துள்ளது.
அமெரிக்காவை சேர்ந்த கான்ஃபெடரேட் மோட்டார் சைக்கிள் நிறுவனம் சுற்றுசூழலுக்கு ஏதுவான புதிய கர்டிஸ் மோட்டார் சைக்கிளை தயாரிக்க திட்டமிட்டுள்ளது. அதற்காக ஜீரோ மோட்டார் சைக்கிள் என்ற நிறுவனத்துடன் இணைந்து செயல்படவுள்ளது.
மோட்டார் சைக்கிளில் கலை வண்ணத்தோடும் விலைமதிப்பற்ற மோட்டார் சைக்கிளை தயாரிக்கும் முன்னிலை நிறுவனம் கான்ஃபெடரேட் ஆகும். X132 Hell Cat மற்றும் P51 Fighter ஆகிய மோட்டார் சைக்கிள் வகைகளை உருவாக்கியது.பிரபல இந்திய கிரிக்கெட் வீரரான மஹேந்திர சிங் தோனி, மிகவும் அரிதான ஹெல்கேட் மாடல் மோட்டார் சைக்கிளை வைத்துள்ளார்.
இந்நிறுவனம் அறிமுகப்படுத்தும் மோட்டார் சைக்கிள்கள், குறிப்பிட்ட எண்ணிக்கையில் தான் தயாரிக்கப்படுகிறது. தற்போது தயாரிக்கப்படவுள்ள கர்டிஸ் மோட்டார் சைக்கிளுக்கு ‘ஹெர்குலிஸ்’ என்று பெயரிடப்பட்டுள்ளது.
அந்த மோட்டார் சைக்கிளின் விலை இன்னும் வெளியாகவில்லை. ஆனால் அது நிச்சயம் அதிகமாக இருக்கும் என்று கருதப்படுகிறது.
For English News
