September 12, 2017 
தண்டோரா குழு
அதிமுக பொதுக்குழு கூட்டம் மற்றும் செயற்குழு கூட்டம் இன்று (செப் 12) நடைப்பெற்றது.இந்த பொதுக்குழு கூட்டத்தில் பல முக்கிய தீர்மானங்கள் நிறைவேற்றப்பட்டன.
சென்னை ஸ்ரீவாரு திருமண மண்டபத்தில் அவைத் தலைவர் மதுசூதனன் தலைமையில் நடைபெற்ற இந்தக் கூட்டத்தில், முன்னாள் அமைச்சர் வளர்மதி வரவேற்புரையாற்றினார்.தீர்மானத்தை ஆர்.பி. உதயகுமார் வாசித்தார்.இந்த பொதுக்குழு கூட்டத்தில் சசிகலாவின் பொதுச் செயலாளர் பதவியை ரத்து செய்தது உட்பட பல முக்கிய தீர்மானங்கள் நிறைவேற்றப்பட்டது.
இதில் நிறைவேற்றப்பட்ட மேலும் சில முக்கிய தீர்மானங்கள்
இரட்டைஇலை சின்னத்தை மீட்க அனைவரும் ஒருங்கிணைந்து செயல்பட வேண்டும்.ஜெயலலிதா நியமிக்கப்பட்ட நிர்வாகிகள் அந்தந்த பதவிகளில் நீடிப்பார்கள்.எம்ஜிஆர் நூற்றாண்டு விழாவை கொண்டாடும் அரசுக்கு பாராட்டு.
இரு அணிகள் இணைந்த நிலையில் ஒரே கட்சியாக கொண்டு வர வேண்டும். ராமர், லட்சுமணர் போல் நாட்டை ஓபிஎஸ் மற்றும் ஈபிஎஸ் மீட்டு எடுத்துள்ளனர் என்றார்.ஜெயலலிதாவுக்கு நினைவிடம் அமைக்க எடுத்த முடிவுக்கு நன்றி தெரிவிக்கப்பட்டது.
அ.தி.மு.க.வின் முதன்மை ஒருங்கிணைப்பாளராக ஓ.பன்னீர்செல்வமும் துணை ஒருங்கிணைப்பாளராக எடப்பாடி பழனிசாமி நியமனத்துக்கும் பொதுக்குழு ஒப்புதல் அளித்துள்ளது. அ.தி.மு.க.வில் இனி ஒருவரை சேர்க்கவும், நீக்கவும் பன்னீர்செல்வம், மற்றும் எடப்பாடி பழனிசாமி ஆகியோருக்கு மட்டுமே அதிகாரம் உள்ளது.
மேலும்,அதிமுகவின் நிரந்த பொதுச்செயலாளர் ஜெயலலிதா தான்.அதிமுகவில் இனி பொதுச்செயலாளர் பதவியே இல்லை என சட்டத்திருத்தம் கொண்டுவரப்படும். சசிகலாவை பொதுச்செயலாளராக நியமித்தது செல்லாது என கூட்டத்தில் தீர்மானம் நிறைவேற்றப்பட்டது.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
