May 10, 2025 
தண்டோரா குழு
கோவை கணியூரில் அமைந்துள்ள பார்க் கல்விக் குழுமத்தின் பொறியியல் கல்லூரிகளான பார்க் பொறியியல் மற்றும் தொழில்நுட்ப கல்லூரி (PCET) பார்க் தொழில்நுட்ப கல்லூரிகளின் (PCT) இரண்டு நாள் கலை திருவிழாவான,ஆண்டு விழா 2025- ZERO G வெகு விமர்சையாக 09 மே 2025 மற்றும் 10 மே 2025 அன்று நடைபெற்றது.
இந்த கலைவிழாவில் 21 கல்லூரிகளை சேர்ந்த நூற்றுக்கணக்கான மாணவ மாணவிகள் பல போட்டிகளில் பங்கெடுத்தனர். Project Expo, Short Film, Drawing, E Sports, Photography, Code Debugging, Code and Answer, Anime Quiz, Fashion Shop ad Cosplay, Singing, Mime, Reels Making போன்ற 30க்கும் மேலான போட்டிகள் நடைபெற்றன.
முதல் நாள், திரைப்படத்துறையில் சாதித்து வரும் பின்னணி பாடகர்கள் ஆதித்யா RK மற்றும் ரேஷ்மா S கலந்து கொண்டு தங்களது குரல் வளத்தால் மாணவர்களை உற்சாகப்படுத்தி மகிழ்ந்தார்கள்.
இரண்டாம் நாள் நிறைவு விழாவுக்கு பார்க் கல்வி குழுமத்தின் முதன்மை செயல் அதிகாரி Dr.அனுஷா ரவி தலைமை தாங்கினார்.சிறப்பு விருந்தினர்களாக கமாண்டர் அரவிந்தன் RP (ஓய்வு), இந்திய கடற்படை மற்றும் பார்க் பொறியியல் மற்றும் தொழில்நுட்பக் கல்லூரியின் முன்னாள் மாணவர் கௌரவ விருந்தினராகவும், நடிகை பிரியா பிரகாஷ் வாரியர் சிறப்பு விருந்தினராகவும் கலந்து கொண்டனர்.
Dr.அனுஷா ரவி சிறப்பு விருந்தினர்களை அறிமுகப்படுத்தி, அற்புதமான நிகழ்ச்சியை ஏற்பாடு செய்த ZERO G குழுவினர் அனைவருக்கும் வாழ்த்துகளைத் தெரிவித்துக் கொண்டார்.
நாம் இரண்டு ஆண்டுகளாக ராணுவம் மற்றும் அவர்களது குடும்பத்தாருக்கு வழங்கி வரும் கல்வி கட்டண சலுகையை மீண்டும் அறிவிக்குமாறு கமாண்டர் அரவிந்தன் அவர்களை கேட்டுக் கொண்டு வெளியிட்டார்.
கமாண்டர் அரவிந்தன் தனது உரையின் போது,
கமாண்டர் அரவிந்தன் தற்போது உள்ள போர் சூழ்நிலையில் ராணுவ வீரர்களின் நிலைமைகளை விளக்கினார்.மேலும் அவர்கள் தான் உண்மையான ஹீரோக்கள் அவர்களை மதிக்குமாறும்,எல்லையில் நமது நாட்டைக் காத்துக் கொண்டிருக்கும் ராணுவ வீரர்கள் நலமுடன் இருக்கவும் நலமுடன் திரும்பி வரவும் இரண்டு நிமிடம் எழுந்து நின்று பிரார்த்திக்குமாறு கேட்டுக்கொண்டார்.
பிரியா வாரியா்ர உடன் நடைபெற்ற கேள்வி பதில் நிகழ்வு உற்சாகமாகவும் சுவையானதாகவும் அமைந்திருந்தது.இந்தக் கல்வி ஆண்டில் சிறந்து விளங்கிய பேராசிரியர்களுக்கு விருதுகளும் பாராட்டு சான்றிதழ்களும் வழங்கப்பட்டன.மேலும் இந்த கலை விழாவின் போட்டிகளில் கலந்துகொண்டு வென்ற மாணவர்களுக்கு பரிசளித்து கௌரவிக்கப்பட்டது.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
