January 17, 2017 
தண்டோரா குழு
மறைந்த முன்னாள் முதல்வர் எம்.ஜி.ஆரின் நூற்றாண்டு விழா செவ்வாய்க்கிழமை தமிழகம் முழுவதும் சிறப்பாக கொண்டாடப்பட்டு வருகிறது. அவரது நூற்றாண்டுவிழாவையொட்டி சிறப்புத் தபால் தலை வெளியிடப்பட்டுள்ளது.
மறைந்த தமிழக முதல்வர் எம்ஜிஆரின் 100வது பிறந்த நாளை முன்னிட்டு சிறப்புத் தபால் தலை, சிறப்பு நாணயம் வெளியிட வேண்டும் என்று மத்திய அரசுக்கு தமிழக அரசு சார்பில் கோரிக்கை விடுக்கப்பட்டது.
தமிழக அரசு கோரிக்கையை ஏற்ற மத்திய அரசு மறைந்த தமிழக முதல்வர் ‘மக்கள் திலகம்’ எம்.ஜி.ஆர். நூற்றாண்டு விழாவையொட்டி சிறப்பு நினைவுத் தபால் தலையை செவ்வாய்க்கிழமை வெளியிட்டுள்ளது.
சென்னை கிண்டியில் உள்ள தமிழ்நாடு டாக்டர் நினைவு எம்ஜிஆர் பல்கலைக்கழகத்தில் நடந்த நிகழ்ச்சியில் எம்ஜிஆர் சிறப்புத் தபால் தலையை, தமிழ்நாடு தலைமை அஞ்சல் அலுவலர் டி. மூர்த்தி வெளியிட தமிழக முதலமைச்சர் ஓ.பன்னீர் செல்வம் பெற்றுக் கொண்டார்.
முன்னதாக, பல்கலைக்கழக வளாகத்தில் உள்ள எம்ஜிஆர் சிலைக்கு முதலமைச்சரும் அமைச்சர்களும் மலர் அஞ்சலி செலுத்தினர். நிகழ்ச்சியில் அதிமுக நாடாளுமன்ற உறுப்பினர்கள், சட்டப் பேரவை உறுப்பினர்கள் மற்றும் கழக நிர்வாகிகள் உள்ளிட்ட ஏராளமானோர் கலந்து கொண்டனர்.
ஜோய்ஆலுக்காஸ் “பிரில்லியன்ஸ் டையமண்ட் ஜூவல்லரி ஷோ” டிசம்பர் 5 முதல் 21 வரை நடைபெறுகிறது
ஸ்கோடா ஆட்டோ இந்தியா, இந்திய சந்தையில் 25வது ஆண்டில், 5 இலட்சத்திற்கும் மேற்பட்ட விற்பனை சாதனையை கடந்தது
காற்று மாசு காரணமாக ஏர் பியூரிபையர் பயன்படுத்துவோர் எண்ணிக்கை அதிகரிப்பு: குரோமாவில் விற்பனை 30 சதவீதம் உயர்வு
சர்வதேச மாற்றுத்திறனாளிகள் தினம்: சூயஸ் நிறுவனம் சார்பில் கோவை ஜெயம் சிறப்புப் பள்ளியில் சிறப்பு நிகழ்ச்சி
இந்தியக் கிரிக்கெட்டுக்கு வண்ணம் சேர்க்கும் அதிகாரப்பூர்வமான பங்காளராக பிசிசிஐ-யுடன் ஏசியன் பெயிண்ட்ஸ் இணைந்துள்ளது
கோவை சந்தையின் முக்கிய பங்களிப்புடன், அறிமுக ஆண்டிலேயே முன்பதிவுகளில் 1,000 கோடி ரூபாய் மைல்கல்லைக் கடந்தது கோத்ரெஜ் கேபிட்டலின் ஆரோஹி!
For English News
