March 24, 2017 
tamilsamayam.com
ஆர்.கே.நகர் இடைத் தேர்தலில் பாஜக வேட்பாளராக களமிறங்கும் பிரபல இசையமைப்பாளர் கங்கை அமரனுக்கு ஆதரவளிக்கவில்லை என இசையமைப்பாளர் யுவன் சங்கர் ராஜா தெரிவித்துள்ளார்.
ஆர்.கே.நகரில் போட்டியிடும் கங்கை அமரன் நேற்று தனது வேட்பு மனுவை தாக்கல் செய்தார். இதற்கு வாழ்த்து தெரிவிக்கும் விதமாக பிரபல ஆடை வடிவமைப்பாளரும், இசையமைப்பாளர் இளையராஜாவின் சகோதரர் ஆர்.டி.பாஸ்கரின் மகளுமான வாசுகி பாஸ்கர் பகிர்ந்த டுவீட்டில், தனது குடும்பத்தில் உள்ள அனைவரையும் இணைத்திருந்தார்.
இந்நிலையில், இதற்கு பதிலளிக்கும் விதமாக இசையமைப்பாளர் யுவன் சங்கர் ராஜா, தான் இதற்கு ஆதரவளிக்கவில்லை என டுவிட்டரில் தெரிவித்திருந்தார். யுவன் சங்கர் ராஜாவின் இந்த டுவீட் சமூக வலைத்தளத்தில் பரபரப்பை ஏற்படுத்தியது. இதைத் தொடர்ந்து வாசுகி அந்த டுவீட்டை நீக்கிவிட்டார்.
இதனிடையே, பாஜக வேட்பாளரான கங்கை அமரன் சூப்பர்ஸ்டார் ரஜினிகாந்தை போயஸ் கார்டனில் உள்ள அவரது இல்லத்தில் சந்தித்தார். இதைத் தொடர்ந்து ரஜினிகாந்த் மறைமுகமாக பாஜகவிற்கு ஆதரவு தெரிவிப்பதாகவும், அவரது அரசியல் பயணத்திற்கான திட்டம் என்றும் பலவேறு வதந்திகள் உலா வந்தன. இதனால், சமீபத்தில் சூப்பர்ஸ்டார் ரஜினிகாந்த், ஆர்.கே.நகர் இடைத் தேர்தலில் தான் யாருக்கும் ஆதரவு அளிக்கவில்லை என டுவிட்டரில் தனது கருத்தை தெரிவித்திருந்தது குறிப்பிடத்தக்கது.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
