August 9, 2018 
தண்டோரா குழு
விஸ்வரூபம் 2 படத்துக்கு தடை கோரி பிரமிட் சாய்மீரா என்ற நிறுவனம் தொடர்ந்த வழக்கில் சென்னை உயர் நீதிமன்றம்வழக்கை தள்ளுபடி செய்தது.
உலக நாயகன் கமல்ஹாசன் நடிப்பில் உருவாகி இருக்கும் ‘விஸ்வரூபம் 2’.கமல்ஹாசனின் ராஜ்கமல் பிலிம்ஸ் மற்றும் ரவிச்சந்திரனின் ஆஸ்கார் பிலிம்ஸ் இணைந்து தயாரித்துள்ள இப்படத்தில் ஆண்ட்ரியா,ராகுல் போஸ்,பூஜாகுமார் மற்றும் பலர் நடித்துள்ளனர்.இப்படம் ஆகஸ்ட் 10ம் தேதி தமிழ்,இந்தி,தெலுங்கு ஆகிய மொழிகளில் வெளியாக உள்ளது.இந்நிலையில்,இப்படத்திற்கு தடைக்கோரி சென்னை உயர்நீதிமன்றத்தில் பிரமீட் சாய் மீரா நிறுவனம் வழக்கு தொடர்ந்துள்ளது.
அந்நிறுவனம் சார்பில் உயர்நீதிமன்றத்தில் தாக்கல் செய்த மனுவில்,
மர்மயோகி படத்தில் கமல் நடிக்க ரூ.4 கோடி சம்பளம் கொடுக்கப்பட்டது.படம் உருவாகாத நிலையில் வாங்கிய சம்பளத்தையும் கமல் திரும்ப அளிக்கவில்லை.எனவே வட்டியுடன் சேர்த்து ரூ.5.44 கோடியை கமல் திருப்பி தர வேண்டும்,அதுவரை விஸ்வரூபம் 2 படத்தை வெளியிட அனுமதிக்க கூடாது என கோரியுள்ளது.
இந்த வழக்கு நீதிபதி சி.வி.கார்த்திகேயன் முன்பு விசாரணைக்கு வந்தது.அப்போது கமல் தரப்பில் விளக்கமளிக்க நீதிபதி உத்திரவிட்டார்.இதையடுத்து கமல் தரப்பில்,பிரமீட் நிறுவனத்திடம் 4 கோடி ரூபாய் மட்டுமே பெற்றார்.ஆனால்,படத்தை தயாரிக்க அந்நிறுவனம் முன்வரவில்லை எனவே வேறு தயாரிப்பாளர் கிடைத்தவுடன் சாய்மீரா நிறுவத்திற்கு பணத்தை திரும்ப தந்து விடுவதாக கூறியிருந்தார்.
இந்நிலையில்,இவ்விளக்கத்தை ஏற்றுக்கொண்ட நீதிமன்றம்,ராஜ்கமல் நிறுவனம் ரூ.5.44 கோடி பாக்கி வைத்துள்ளதாக பிரமிட் சாய்மீரா நிறுவனம் தொடர்ந்த வழக்கை தள்ளுபடி செய்து உத்தரவு பிறப்பித்துள்ளது.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
