August 10, 2018 
கடந்த 2010ம் ஆண்டு கௌதம் மேனனின் இயக்கத்தில் சிம்பு,த்ரிஷா நடிப்பில் வெளிவந்த படம் விண்ணைத்தாண்டி வருவாயா.மாபெரும் வெற்றி பெற்ற இப்படம் சிம்புவின் திரை பயணத்தில் பெரும் திருப்பத்தை ஏற்படுத்தியது.
இந்நிலையில்,தற்போது இப்படத்தின் இரண்டாம் பாகம் எடுக்கவுள்ளதாக இயக்குநர் கௌதம் மேனன் தெரிவித்துள்ளார்.விண்ணைத்தாண்டி வருவாயா படத்தின் தொடர்ச்சியாகவே இப்படம் இருக்கும் என்றும்,கார்த்திக் தற்போது என்ன செய்து கொண்டிருக்கிறார் என்பது தான் படத்தின் கதையாம்.
இந்த படத்தில் சிம்புவுக்கு ஜோடியாக நடிக்கும் நடிகை யார் என்னும் தகவல் வெளியாகாமல் இருந்து வந்தது.இந்நிலையில் தற்போது,அனுஷ்கா நடிக்க வைக்கப்பட பேச்சு வார்த்தைகள் நடந்து வருவதாக தகவல் வெளியாகியுள்ளது.
ஏற்கனவே,அனுஷ்கா என்னை அறிந்தால் படத்தின் மூலம் கவுதம் மேனன் இயக்கத்திலும்,வானம் படத்தில் சிம்புவுடனும் இணைந்து நடித்துள்ளார் என்பது குறிப்பிடத்தக்கது.
For English News
