August 1, 2018 
தண்டோரா குழு
தமிழ் சினிமாவில் முன்னணி நடிகரான சூர்யா தற்போது செல்வராகவன் இயக்கத்தில் என்.ஜி.கே. படத்தில் நடித்து வருகிறார்.இப்படத்தின் படப்பிடிப்பு இறுதிக்கட்டத்தை எட்டியுள்ள நிலையில், போஸ்ட் புரோடக்ஷன் பணிகளை தொடங்கவுள்ளார்.
இப்படத்தைத் தொடர்ந்து,சூர்யா தனது 37வது படத்திற்காக கே.வி ஆனந்துடன் இணைந்துள்ளார். இப்படத்தில் சூர்யாவுடன் இணைந்து சாயிஷா நடிக்கிறார்.இப்படத்திற்கு ஹரீஷ் ஜெயராஜ் இசையமைக்கிறார்.இப்படத்திற்காக லண்டனில் படமாக்கப்பட்ட தனது காட்சிகளை சூர்யா முடித்துக் கொடுத்துள்ளார்.
இந்நிலையில் இப்படத்தில் சூர்யாவின் ஓபனிங் பாடலை சூப்பர் சிங்கர் புகழ் செந்தில் கணேஷ் பாடியுள்ளார்.இப்பாடலை ஞானகரகவேல் எழுதியுள்ளார்.இதற்கு முன்னதாக சிவகார்த்திகேயனின் சீமராஜா படத்தில் ஒரு பாடலை பாடியுள்ளார்.விரைவில்,ஆஸ்கர் நாயகன் ஏ.ஆர்.ரஹ்மான் இசையில் ஒரு பாடலை பாடவுள்ளார் என்பது குறிப்பிடத்தக்கது.
For English News
