August 2, 2018 
தண்டோரா குழு
பிரபு சாலமன் இயக்கத்தில்,லிங்குசாமி தயாரிப்பில், விக்ரம் பிரபு –லஷ்மிமேனன் தமிழில் அறிமுகமான “கும்கி” படம் வெளியாகி வசூல் சாதனை படைத்தது.
கும்கி படத்தின் வெற்றியை தொடர்ந்து,ஆறு ஆண்டுகளுக்கு பிறகு பிரபுசாலமன் இயக்கத்தில் உருவாகும் “கும்கி 2” படத்தின் படப்பிடிப்பு விறுவிறுப்பாக நடைபெற்று வருகிறது.
கும்கி 2 படத்தில் நாயகனாக மதியழகன் அறிமுகமாகிறார்.மேலும்,வில்லனாக ஹரிஷ் பெராடி நடிக்க, முக்கய கதாப்பாத்திரத்தில் ஆர்.ஜே.பாலாஜி, சூசன்,கோலங்கள் திருச்செல்வம்,ஸ்ரீநாத், ஆகாஷ்,மாஸ்டர் ரோகன்,மாஸ்டர் ஜோஸ்வா,பேபி மானஸ்வி ஆகியோர் நடிக்கிறார்கள்.நிவாஸ் கே.பிரசன்னா இசையமைக்கும் இந்த படத்தை பென் இந்தியா லிமிடெட் நிறுவனம் தயாரிக்கிறது.
இந்த படத்தில் நாயகி இன்னும் தேர்வு செய்யப்படாத நிலையில்,மதியழகனுக்கு ஜோடியாக நடிப்பதற்கு நிவேதா பெத்துராஜூடன் பேச்சுவார்த்தை நடத்தப்படுவதாக தகவல் வெளியாகியுள்ளது.
கும்கி 2 படப்பிடிப்பு தற்போது மைசூர் அருகே உள்ள சிவ சமுத்திரம் அருவியில் விறுவிறுப்பாக நடைபெற்றுக் கொண்டிருக்கிறது.எம்.ஜி.ஆர் அவர்கள் நடித்த இதயக்கனி படப்பிடிப்பிற்கு பிறகு கும்கி 2 படப்பிடிப்பு தான் அங்கு நடைபெற்றுள்ளது என்பது குறிப்பிடத்தக்கது.
For English News
