August 15, 2018 
தண்டோரா குழு
ராதா மோகன் இயக்கத்தில் ஜோதிகா-வித்தார்த் நடிப்பில் உருவாகி வரும் படம் காற்றின் மொழி.இப்படம் கடந்த 2017-ம் ஆண்டு இந்தியில் வெளியான ’துமாரி சுலு’ படத்தின் ரீமேக் ஆகும்.
இந்த படத்தில் ஜோதிகாவின் கணவராக நடிகர் விதார்த் நடித்து வருகிறார்.இந்தியில் நேகா நடித்த வேடத்தில் லட்சுமி மஞ்சு நடிக்கிறார்.போப்டா நிறுவனம் தயாரிக்கும் இப்படத்திற்கு ஏ.எச்.காஷிப் இசையமைக்கிறார்.
கடந்த ஜூன் மாதம் இப்படத்தின் படப்பிடிப்பு தொடங்கிய நிலையில் ஜோதிகா மற்றும் படக்குழு விரைவாக இப்படத்தை முடித்து கொடுத்துள்ளனர்.
இந்நிலையில் சுதந்திர தினத்தை முன்னிட்டு, ஜோதிகாவின் 10 கட்டளைகளோடு அடங்கிய போஸ்டர் ஒன்று வெளியிடப்பட்டு உள்ளது.
அதில்,
1.உன் விருப்பம் போல் உடை உடுத்துவாயாக.
2.நீ விரும்புவதை செய்வாயாக.
3. உன் கணவன் உன்னை ஒரு கன்னத்தில் அறைந்தால் மறு கன்னத்தை காட்டாதிருப்பாயாக.
4.பசித்தால் முதலில் நீயே சாப்பிடுவாயாக.
5.குண்டாய் இருக்க விரும்பினால் குண்டாய் இருப்பாயாக.
6.வீட்டு பணிகளில் உன் கணவனையும் பங்கெடுக்க செய்வாயாக.
7.நீ சம்பாதித்து உன் விருப்பம் போல் செலவு செய்வாயாக.
8.உன் மனம் மறுப்பதை, ஏற்காதிருப்பாயாக
9.ஆணும் பெண்ணும் சரி சமம் என்பதை அறிவாயாக.
10.மனதில் பட்டத்தை சொல்வாயாக.
For English News
