August 3, 2018 
தண்டோரா குழு
ராதா மோகன் இயக்கத்தில் ஜோதிகா-வித்தார்த் நடிப்பில் உருவாகி வரும் காற்றின் மொழி படத்தில் ஜிமிக்கி கம்மல் பாடல் இடம் பெறபோவதாக படக்குழு அறிவித்துள்ளனர்.
காற்றின் மொழி கடந்த 2017-ம் ஆண்டு நவம்பரில் இந்தியில் வெளியான ’துமாரி சுலு’ படத்தின் ரீமேக் ஆகும்.இந்த படத்தில் ஜோதிகாவின் கணவராக நடிகர் விதார்த் நடித்து வருகிறார். இந்தியில் நேகா நடித்த வேடத்தில்,லட்சுமி மஞ்சு நடிக்கிறார்.போப்டா நிறுவனம் தயாரிக்கும் இப்படத்திற்கு ஏ.எச்.காஷிப் இசையமைக்கிறார்.
கடந்த ஜூன் மாதம் இப்படத்தின் படப்பிடிப்பு தொடங்கிய நிலையில் ஜோதிகா மற்றும் படக்குழு விரைவாக இப்படத்தை முடித்து கொடுத்துள்ளனர்.இந்நிலையில் இந்த படத்தில் ‘ஜிமிக்கி கம்மல்’ பாடலுக்கு ஜோதிகா நடனமாடியுள்ளார்.ஜோதிகாவுடன் இணைந்து லட்சுமி மஞ்சு,குமரவேல்,சிந்து ஷ்யாம்,ஆர்.ஜே சாண்ட்ரா நடனமாடியுள்ளனர்.இந்த பாடலுக்கு நடன இயக்குனர் விஜி நடனம் அமைத்துள்ளார்.மேலும், இந்த திரைப்படம் அக்டோபர் 18-ஆம் தேதி ஜோதிகா பிறந்த நாளன்று வெளியாகும் என அறிவிக்கப்பட்டுள்ளது.
For English News
