August 16, 2018 
தண்டோரா குழு
காற்று வெளியிடை படத்தை தொடர்ந்து மணிரத்னம் இயக்கத்தில் உருவாகி வரும் படம் ‘செக்கச் சிவந்த வானம்’.இந்தப் படத்தில் அரவிந்த் சாமி,ஜோதிகா,சிம்பு,விஜய் சேதுபதி,அதிதி ராவ்,அருண் விஜய்,ஐஸ்வர்யா ராஜேஷ்,பிரகாஷ் ராஜ் என மிகப்பெரிய நட்சத்திரப் பட்டாளமே நடித்துள்ளது.
மெட்ராஸ் டாக்கீஸ் நிறுவனத்துடன் இணைந்து லைகா புரொடக்ஷன்ஸ் இந்தப் படத்தைத் தயாரித்துள்ளது.இப்படத்திற்கு சந்தோஷ் சிவன் ஒளிப்பதிவு செய்ய இசைபுயல் ஏ.ஆர்.ரஹ்மான் இசையமைக்கிறார்.ஆக்ஷன் த்ரில்லராக உருவாகி வரும் இப்படத்தின் படப்பிடிப்பு கடந்த ஜனவரி மாதம் தொடங்கியது.இப்படத்தின் படப்பிடிப்பு நிறைவடைந்து செப் 26ம் தேதி திரைக்கு வரவுள்ளது.
இந்நிலையில் கடந்த சில தினங்களாக இந்த படத்தின் நடிகர்களின் பர்ஸ்ட் லுக் போஸ்டர்கள் வெளியாகி வருகின்றன.அரவிந்த் சாமி,அருண் விஜய், விஜய் சேதுபதி,ஆகியோர்களின் போஸ்டர்களை தொடர்ந்து இன்று சிம்புவின் போஸ்டர் வெளியாக உள்ளது.அதன்படி தமிழில் சிம்புவின் கதாபாத்திரத்தின் பெயர் எத்தி என்றும் தெலுங்கில் ருத்ரா எனவும் படக்குழு அறிவித்து உள்ளது.
For English News
