October 9, 2018 
தமிழ்,தெலுங்கு,மலையாளம் என பல மொழி படங்களில் முன்னணி நடிகையாக விளங்கி வருபவர் நயன்தாரா.தமிழ் சினிமாவில் லேடி சூப்பர் ஸ்டாராகவும் விளங்கி வருகிறார்.இவரது நடிப்பில் சமீபத்தில் வெளியான கோலமாவு கோகிலா படம் ரசிகர்களிடம் மிக சிறந்த வரவேற்பை பெற்றிருந்தது.
நடிகைக்கு முக்கியத்துவம் அளிக்கும் படத்தில் நடித்து வரும் நயன்தாரா லட்சுமி,மா போன்ற குறும்படங்களை இயக்கி இருந்த சர்ஜுன் இயக்கத்தில் திகில் படம் ஒன்றில் நடிக்க இருப்பதாக கூறப்பட்டது.இந்த படத்தை கே.ஜே.ஆர் ஸ்டூடியோஸ் நிறுவனம் தங்களுடைய மூன்றாவது படமாக தயாரிக்க உள்ளது.
இந்நிலையில்,ஐரா என்று பெயரிடப்பட்டுள்ள இப்படத்தின் பர்ஸ்ட் லுக் போஸ்டர் இன்று வெளியாகியுள்ளது.மேலும்,திகில் படமாக உருவாகும் இப்படத்தில் நயன்தாரா முதல் முறையாக இரட்டை வேடத்தில் நடிக்கவுள்ளார் என்பது குறிப்பிடத்தக்கது.
For English News
