August 7, 2018 
தண்டோரா குழு
தமிழ் சினிமாவில் முன்னணி நடிகரான விஜய் தற்போது ஏ.ஆர்.முருகதாஸ் இயக்கத்தில் உருவாகி வரும் சர்கார் படத்தில் நடித்து வருகிறார்.சன் பிக்சர்ஸ் நிறுவனம் தயாரித்து வரும் இப்படம் தீபாவளியன்று வெளியாகும் என்று கூறப்படுகிறது.
இந்நிலையில் இப்படத்தை தொடர்ந்து விஜய் மீண்டும் அட்லீ இயக்கத்தில் நடிக்கவுள்ளார்.ஏ.ஜி.எஸ். நிறுவனம் தயாரிக்கும் இப்படத்தில் நடிக்கும் நாயகி குறித்த தகவல் வெளியாகியுள்ளது.
இந்த படத்தில் விஜய்க்கு ஜோடியாக ஹிந்தி நடிகையான கியாரே அத்வானி நடிக்க இருப்பதாக தகவல்கள் வெளியாகியுள்ளன.இவர் இதற்கு முன் எம்.எஸ்.தோனி படத்திலும் மகேஷ் பாபு நடித்த ‘பரத் அனே நீனு’ படத்திலும் நடித்துள்ளார் என்பது குறிப்பிடத்தக்கது.எனினும் இது குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
For English News
