January 29, 2018 
தண்டோரா குழு
சங்கர் இயக்கத்தில் லைக்கா நிறுவனம் தயாரிப்பில் சூப்பர்ஸ்டார் ரஜினிகாந்த், அக்சய் குமார், எமி ஜாக்சன் நடிப்பில் உருவாகி வரும் படம் 2.0. பெரும் பட்ஜெட்டில் உருவாகி வரும் இப்படம் தமிழ் புத்தாண்டு அன்று வெளியாகும் என்று கூறப்பட்டுள்ளது.
இப்படத்தை தொடர்ந்து சங்கர் கமல் நடிக்கும் இந்தியன் 2 படத்தை இயக்கவுள்ளார் என ஏற்கனவே அறிவிக்கபட்டது. இப்படம் குறித்து அறிவிப்பை வெளியிடும் விதமாக தைவானில் சிறிய ரக பலூனை பறக்கவிட்டார் சங்கர்.
கமல் இதுவரை நடித்த படங்களிலேயே இந்தியன் 2 படம் தான் அதிக பட்ஜெட் படம் என்றும் படத்தையும் லைக்கா நிறுவனமே தயாரிக்கவுள்ளது என்றும் கூறப்பட்டுள்ளது. இதற்கிடையில், இப்படத்தில் லேடி சூப்பர்ஸ்டார் நயனதாராவை நடிக்க வைக்க பேச்சுவார்த்தை நடைபெற்று வருவதாகவும் அவர் இப்படத்தில் ஒரு புரட்சி பெண் வேடத்தில் நடிக்கவுள்ளார் என்றும் தகவல்கள் வெளியாகியுள்ளது.
ஒருவேளை நயன்தாரா இப்படத்தில் நடிக்கும் பட்சத்தில் கமலுடன் அவர் இணைந்து நடிக்கும் முதல் படம் இதுவாக இருக்கும் என்பது குறிப்பிடத்தக்கது.
For English News
