September 2, 2017 
tamilsamyam.com
கே.வி.ஆனந்த் இயக்கத்தில் விஜயா புரடெக்ஷன்ஸ் நிறுவன தயாரிக்கும் 102வது படத்தில் நடிகர் விக்ரம் நடிக்கவுள்ளதாக கூறப்படுகிறது.
பழம்பெரும் பட நிறுவனமான விஜயா புரடெக்ஷன்ஸ் நிறுவனத்தின் 100வது படம்தான் அஜீத் நடித்த ‘வீரம்’. இந்தப்படம் தயாரிப்பு நிர்வாகம் எதிர்பார்த்த அளவுக்கு லாபம் கொடுக்கவில்லையாம். அடுத்ததாக விஜய்யை வைத்து ‘பைரவா’ படத்தை தயாரித்தது. இதுவும் சொல்லிக் கொள்ளும் அளவுக்கு இல்லையாம்.
இந்நிலையில், இயக்குனர் கே.வி.ஆனந்த் இயக்கத்தில், விக்ரம் நடிக்கும் ஒரு படத்தை, விஜயா புரடெக்ஷன்ஸ் நிறுவனம் தயாரிக்க இருப்பதாக தகவல் வெளியாகியுள்ளது. தங்களுடைய 100வது படத்தில் அஜீத்தையும், 101வது படத்தில் விஜய்யை வைத்து மிகப்பெரிய பட்ஜெட்டில் படங்களை தயாரித்த விஜயா புரொடக்ஷன்ஸ் இப்போது தனது 102வது தயாரிப்பாக விக்ரம் படத்தை உருவாக்கவிருப்பதாக உறுதியாக சொல்கின்றனர். இந்தப்படத்தை கே.வி.ஆனந்த் இயக்குகிறார்.
இப்படத்திற்கான ஸ்கிரிப்ட் பணியில் ஈடுபட்டிருக்கிறாராம் கே.வி.ஆனந்த். ஹரி இயக்கத்தில் தொடங்கப்பட உள்ள ‘சாமி 2’ படப்பிடிப்பை முடித்துவிட்டு,கே.வி.ஆனந்த் இயக்கத்தில் விக்ரம் நடிக்கும் படம் தொடங்கப்பட உள்ளது. இந்த படம் குறித்த அதிகாரப்பூர்வ அறிவிப்பு விரைவில் வெளியாகிறது.
For English News
