July 29, 2017 
தண்டோரா குழு
விஜய்சேதுபதி மாதவன் நடிப்பில் வெளிவந்த விக்ரம் வேதா திரைப்படம் விமர்சன ரீதியில் மட்டுமன்றி,வசூல் ரீதியிலும் பெரும் வரவேற்பைப் பெற்று வருகிறது.
இப்படத்துக்கு பல்வேறு திரையுலக பிரபலங்கள், தங்களுடைய பாராட்டுகளை தெரிவித்து வருகின்றனர்.
அந்த வகையில், இப்படத்தை பார்த்த சூப்பர் ஸ்டார் ரஜினிகாந்த் “அற்புதம்… அற்புதம்! என்று படக் குழுவினருக்கு தொலைபேசி மூலம் தனது வாழ்த்துக்களை தெரிவித்துள்ளார்.
அந்த இரண்டு வார்த்தைகள் நீண்ட நாட்களுக்குக் கேட்டுக் கொண்டே இருக்கும்” என தயாரிப்பாளர் சஷிகாந்த் தெரிவித்துள்ளார்.
மேலும், இயக்குநர் புஷ்கர் – காயத்ரி தனது ட்விட்டர் பக்கத்தில், “கிளாஸாக எடுக்கப்பட்ட மாஸ் படம் என்று சூப்பர் ஸ்டார் எங்களிடம் தெரிவித்துள்ளார். நன்றி ரஜினிகாந்த் சார்” என்று தெரிவித்துள்ளார்கள்.
இப்படம், வெளியான முதல் வாரத்திலேயே 10 கோடி வசூலை கடந்துள்ளது என்பது குறிப்பிடத்தக்கது.
For English News
