February 12, 2019 
தண்டோரா குழு
கடந்த 2003ம் ஆண்டு கெளதம் மேனன் இயக்கத்தில் சூர்யா, ஜோதிகா, ஜீவன் உள்ளிட்ட பலர் நடிப்பில் வெளியான படம் ‘காக்க காக்க’. தாணு தயாரித்திருந்த அப்படத்துக்கு ஹாரிஸ் ஜெயராஜ் இசையமைத்திருந்தார்.
இப்படம் ரசிகர்கள் மத்தியில் நல்ல வரவேற்பை பெற்றது. இப்படத்தில் போலீசார் அதிகாரியாக சூர்யாவின் நடிப்பும், ஆசிரியாக ஜோதிகாவின் நடிப்பும் பெரிதும் பேசபட்டது. பின்னர் சூர்யா – ஜோதிகா திருமணத்திற்கு பின் இருவரும் இணைந்து நடிக்கவில்லை. எனினும் நீண்ட இடைவெளிக்குப் பின்னர் தற்போது ஜோதிகா மீண்டும் ரீ என்ட்ரி கொடுத்துள்ளார். அதைபோல் சூர்யா கேவி இயக்கத்தில் ஒருபடமும், செல்வராகவன் இயக்கத்தில் என்.ஜி.கே படத்திலும் நடித்து வருகிறார்.
இந்நிலையில், கெளதம் மேனன் இயக்கத்தில் காக்க காக்க 2 படத்தில் சூர்யா, ஜோதிகா மீண்டும் இணைந்து நடிக்கவுள்ளதாக தகவல் வெளியாகியுள்ளது. இப்படத்தை கலை புலி தாணு தயாரிக்கவுள்ளதாகவும் கூறப்படுகிறது.
கெளதம் மேனன் தற்போது என்னை நோக்கி பாயும் தோட்டா, துருவ நட்சத்திரம் படத்தில் வேளைகளில் பிசியாக உள்ளார். இப்படங்களை தொடர்ந்து அவர் காக்க காக்க 2 படத்தை இயக்கவுள்ளதாக கூறப்படுகிறது.
For English News
