August 25, 2018 
தண்டோரா குழு
உதயநிதி ஸ்டாலின் தற்போது சீனு ராமசாமி இயக்கத்தில் ‘கண்ணே கலைமானே’ படத்தில் நடித்து வருகிறார். இப்படம் விரைவில் திரைக்குவரவுள்ளது. இப்படத்தை தொடர்ந்து உதயநிதி அடுத்ததாக அட்லீயின் உதவியாளர் ஈனாக் இயக்கத்தில் உதயநிதி நடிப்பதாக இருந்தது.‘மேயாத மான்’ படத்தில் நடித்த பிரியா பவானிசங்கர், இந்துஜா இருவரும் ஹீரோயின்களாக ஒப்பந்தமானார்கள். ஆனால், திடீரென ஷூட்டிங் தொடங்குவதற்கு முன்பு இந்தப் படம் டிராப்பானது.
இந்நிலையில், மிஷ்கின் இயக்கத்தில் உதயநிதி ஸ்டாலின் நடிக்க இருக்கிறார். இரண்டு ஹீரோயின்கள் நடிக்க இருக்கும் இந்தப் படத்தில், ஒரு ஹீரோயினாக நித்யா மேனன் ஒப்பந்தமாகியிருந்தார். தற்போது காற்று வெளியிடை படத்தின் மூலம் தமிழ் சினிமாவிற்கு அறிமுகமான அதிதி ராவ் இப்படத்தில் உதயநிதி ஸ்டாலினுக்கு ஜோடியாக நடிக்க ஒப்பந்த மாகியுள்ளதாக கூறப்படுகிறது. இந்தப் படத்துக்கு பி.சி.ஸ்ரீராம் ஒளிப்பதிவு செய்கிறார்.
இதையடுத்து மிஷ்கின் இயக்கும் படத்தில் சாந்தனு ஹீரோவாக நடிப்பதாக சொல்லப்பட்டது. அப்படத்தைத் தயாரிக்க முன்வந்த நிறுவனம் கடைசி நேரத்தில் பின் வாங்கியதால் அந்தப் படம் கைவிடப்பட்டது. தற்போது அதே கதையில் உதயநிதி நடிப்பதோடு தனது தயாரிப்பு நிறுவனம் மூலம் தயாரிக்கவும் செய்கிறார் என்பது குறிப்பிடத்தக்கது.
For English News
