June 10, 2017 
தண்டோரா குழு
நடிகை சமந்தாவும் நடிகர் நாகசைதன்யாவும் விரைவில் ஹைதராபாத்தில் திருமணம் செய்யவுள்ளார்கள். இதற்கிடையில்,சமந்தா தமிழ்,தெலுங்கு என இரண்டு மொழிகளிலும் பிஷியாக நடித்து வருகிறார்.
தமிழில் விஜய், விஷால், விஜய் சேதுபதி, சிவ கார்த்திகேயன் ஆகியோருடன் நடித்து வரும் சமந்தா ராம் சரண் ஜோடியாக தெலுங்கில் ஒரு படத்திலும் நடித்து வருகிறார். மேலும், தமிழ் மற்றும் தெலுங்கில் உருவாகி வரும் நடிகை சாவித்ரியின் வாழ்க்கை வரலாறு என பல திரைப்படங்களை கைவசம் வைத்துள்ளார் நடிகை சமந்தா.
இதற்கிடையில் நடிகை சமந்தா தனக்கு நேரம் கிடைக்கும் போது எல்லாம் வெளிநாடுகளுக்கு செல்வது வழக்கம். அப்படி சில தினங்களுக்கு முன்பு விடுமுறைக்கு செல்வதாக இன்ஸ்டாகிராமில் ஒரு ஃபோட்டோவை பதிவிட்டிருந்தார். அந்த ஃபோட்டோவில் அவரது பிகினி உடை இருந்ததால் பலரும் அவரை விமர்சித்து கருத்து பதிவிட்டனர்.
இதனால் கோபமடைந்த சமந்தா, ” ஒரு பெண் எப்படி உடை அணிகிறாள் என்பதை வைத்து தான் நீங்கள் ஒருவரை மதிப்பிடுவீர்களா? உங்களது எண்ணங்களை நினைத்து நான் மிகவும் வெட்கப்படுகிறேன் நீங்களும் வெட்கப்படவேண்டும்” என பதிலளித்துள்ளார்.
For English News
