February 18, 2020 
தண்டோரா குழு
இந்திய கிரிக்கெட் அணி வீரர் ஹர்பஜன் சிங் அவ்வப்போது தமிழில் டுவீட் செய்து தமிழ் ரசிகர்கள் மத்தியில் இடம் பிடித்துவிட்டார். தற்போது ஃப்ரெண்ட்ஷிப். படம் மூலம் தமிழ் சினிமாவில் நாயகனாக அறிமுகமாகிறார். ஜான் பால்ராஜ் மற்றும் ஷாம் சூர்யா இப்படத்தை இயக்கித் தயாரிக்கின்றனர்.
அவருக்கு ஜோடியாக அறிமுகமாகி தமிழ் சினிமாவில் கால் பதிக்க உள்ளார் பிக்பாஸ் லாஸ்லியா. இந்தப் படத்தில் நடிகர் அர்ஜுன் இணைந்திருப்பதாக நேற்று படக்குழு அதிகாரப்பூர்வமாக அறிவித்தது. அவர் வில்லன் கதாபாத்திரத்தில் நடிக்க இருப்பதாகவும் கூறப்படுகிறது.இந்நிலையில் இந்தப் படத்தில் நகைச்சுவை நடிகர் சதீஷ் இணைந்துள்ளார்.
இதுகுறித்து ட்வீட் செய்திருக்கும் சதீஷ், “நம் சென்னை ஐபில் அணியில் தமிழ் புலவர் ஹர்பஜன் சிங் உடன் இணைவது மகிழ்ச்சி” என்று மகிழ்ச்சி தெரிவித்துள்ளார்.
ஹர்பஜன் சிங் தனது டுவிட்டர் பக்கத்தில்,
புது மாப்பிள்ளை சதீஷ் எப்பிடி இருக்கீங்க.தம்பி நல்லா சிரிச்ச முகம்.பாக்க அப்பிடியே ஸ்ரீவல்லிபுத்தூர் பால்கோவா மாதிரி இருக்கீங்க. படத்துல காமெடி கொஞ்சம் தூக்கலா இருக்கட்டும்.நல்லா நெருக்கி செய்வோம்,
For English News
