July 2, 2018 
தண்டோரா குழு
வீரம்,வேதாளம்,விவேகம் படத்தின் வெற்றியை தொடர்ந்து இயக்குநர் சிவா – நடிகர் அஜித் கூட்டணியில் உருவாகி வரும் படம் விஸ்வாசம்.இப்படத்தை சத்யஜோதி ஃபிலிம்ஸ் நிறுவனம் தயாரிக்கிறது.
இப்படத்தில் அஜித்துடன் பில்லா,ஏகன்,ஆரம்பம் ஆகிய படங்களில் நடித்த லேடி சூப்பர்ஸ்டார் நயன்தாரா நடித்து வருகிறார்.இப்படத்தில் டாக்டராக நடிப்பதாக கூறப்படுகிறது.விசுவாசம் படத்தில் அஜித்,நயன்தாரா ஆகியோருடன் தம்பிராமையா,விவேக்,யோகி பாபு,ரோபோ சங்கர் ஆகியோரும் முக்கிய கதாபாத்திரங்களில் நடித்து வருகின்றனர்.
ஹைதராபாத்தில் முதற்கட்ட படப்பிடிப்புகள் நடந்து முடிந்ததை அடுத்து தற்போது,விசுவாசம் படக்குழுவினர் தற்போது இரண்டாம் கட்ட படப்பிடிப்பை தொடங்கியுள்ளனர்.இப்படப்பிடிப்பில் அஜித், நயன்தாரா என முக்கிய நடிகர்கள் கலந்து கொண்டுள்ளனர்.
இதற்கிடையில்,தனது சக நடிகர்களுடன் இயல்பாக பழகும் பழக்கம் கொண்ட அஜித்,முதற்கட்ட படப்பிடிப்பின் போது நயன்தாராவிற்காக போட்டோ ஷூட் ஒன்றை நடத்தியுள்ளார்.அந்த புகைப்படங்களை ஒன்றாக சேர்ந்து தற்போது அவருக்கு அன்பளிப்பாக கொடுத்துள்ளார்.இதனை பார்த்த நயன்தாரா சந்தோஷத்தில் மிரண்டு போயுள்ளார்.
For English News
