September 30, 2019 
தண்டோரா குழு
அட்லி இயக்கத்தில் ‘பிகில்’ படம் படப்பிடிப்பு பணிகள் எல்லாம் முடிந்து போஸ்ட் புரடெக்ஷன் பணிகள் நடைபெற்று வருகிறது. சமீபத்தில் இசை வெளியீட்டு விழாவை பிரம்மாண்டமாக நடத்திய படக்குழு வரும் தீபாவளி அன்று படத்தை வெளியிடவும் முடிவு செய்துள்ளது.
இப்படத்தை அடுத்து விஜய் மாநகரம் படத்தை இயக்கிய லோகேஷ் கனகராஜ் இயக்கத்தில் தனது 64 வது படத்தை நடிக்கவிருக்கிறார். இந்த படத்தை சேவியர் பிரிட்டோ தயாரிக்கிறார். இந்தப் படத்தில் விஜய் சேதுபதி, மாளவிகா மோகனன் உள்பட பலர் நடிக்கவுள்ளார். மேலும் இசையமைப்பாளர் அனிருத் இசையமைக்கவுள்ளதாக கூறப்படுகிறது. இப்படத்தின் ஆரம்ப கட்ட பணிகள் தற்போது முடிந்துள்ள நிலையில், அக்டோபர் மாதம் இதன் படப்பிடிப்பு தொடங்க இருக்கிறது.
இந்நிலையில், தொடர்ந்து மூன்று நாட்கள் இப்படத்தை பற்றிய அறிப்பை வெளியிட இருப்பதாக படக்குழு அறிவித்துள்ளது. அதாவது 30, 1, 2 ஆகிய தேதிகளில் தினமும் 5 மணிக்கு படத்தை பற்றிய அப்டேட்டை வெளியிட இருக்கிறார்கள். இது விஜய் ரசிகர்களுக்கு மகிழ்ச்சியை ஏற்படுத்தியுள்ளது.
For English News
