July 30, 2018 
தண்டோரா குழு
‘நாச்சியார்’ படத்தை தொடர்ந்து ஜோதிகா மணிரத்னம் இயக்கத்தில் ‘செக்கச் சிவந்த வானம்’ மற்றும் ராதா மோகன் இயக்கத்தில் ‘காற்றின் மொழி’ உள்ளிட்ட படங்களில் நடித்துள்ளார்.
காற்றின் மொழி கடந்த 2017-ம் ஆண்டு நவம்பரில் இந்தியில் வெளியான ’துமாரி சுலு’ படத்தின் ரீமேக் ஆகும். இந்த படத்தில் ஜோதிகாவின் கணவராக நடிகர் விதார்த் நடித்து வருகிறார். இந்தியில் நேகா நடித்த வேடத்தில், லட்சுமி மஞ்சு நடிக்கிறார். போப்டா நிறுவனம் தயாரிக்கும் இப்படத்திற்கு ஏ.எச்.காஷிப் இசையமைக்கிறார்.
கடந்த ஜூன் மாதம் இப்படத்தின் படப்பிடிப்பு தொடங்கிய நிலையில் ஜோதிகா நடிக்கும் காட்சிகளுக்கான படப்பிடிப்பு நிறைவடைந்துள்ளது. இதையடுத்து படக்குழுவினருக்கு நடிகை ஜோதிகா பரிசுகளை அளித்துள்ளார். இந்நிலையில் இப்படம் ஜோதிகாவின் பிறந்த நாளான அக்டோபர் 18ம் தேதி திரைக்கு வர உள்ளது.
For English News
