July 4, 2018 
தண்டோரா குழு
செல்வராகவன் இயக்கத்தில் உருவான `என்ஜிகே’ படத்தை தொடர்ந்து,சூர்யா தற்போது கே.வி.ஆனந்த் இயக்கத்தில் நடித்து வருகிறார்.
சூர்யாவின் 37 படத்தின் ஷூட்டிங் தற்போது லண்டனில் நடைபெற்று வருகிறது.இந்த படத்தில் மோகன்லால்,போமன் இராணி,அல்லு ஷிரீஸ்,சயிஷா,சமுத்திரக்கனி என பல முன்னணி நட்சத்திரங்கள் நடித்து வருகின்றனர்.
லைகா புரொடக்ஷன்ஸ் பிரம்மாண்டமாக தயாரிக்கும் இந்த படம் பயணம் சம்பந்தப்பட்ட கதையாக உருவாகிறது.நியூயார்க்,பிரேசில்,மும்பை,சென்னை உள்ளிட்ட இடங்களிலும் படப்பிடிப்பு நடத்த படக்குழு முடிவு செய்துள்ளது.
இந்நிலையில்,இப்படத்தில் முக்கிய கதாபாத்திரத்தில் நடிக்க நடிகர் ஆர்யா ஒப்பந்தமாகி இருப்பதாக லைகா புரொடக்ஷன்ஸ் நிறுவனம் அதிகாரப்பூர்வமாக அறிவித்துள்ளது.எனினும்,ஆர்யா என்ன கதாபாத்திரத்தில் நடிக்கிறார் என்பதை படக்குழு இன்னும் அறிவிக்கவில்லை.ஆனால் சூர்யாவுக்கு நிகரான ஒரு முக்கிய கதாபாத்திரமாக இருக்கும் என்று சொல்லப்படுகிறது.
For English News
