December 4, 2018 
தண்டோரா குழு
தமிழ் சினிமாவில் முன்னணி நடிகராக வளர்ந்து வரும் நடிகர் சிவகார்த்திகேயன். தற்போது தயாரிப்பாளர் அவதாரமும் எடுத்துள்ளார்.
இவர் தனது சொந்த தயாரிப்பு நிறுவனமான சிவகார்த்திகேயன் புரொடக்ஷன்ஸ் நிறுவனம் மூலம் தயாரிக்கும் முதல் படம் ‘கனா’. மகளிர் கிரிக்கெட்டை மையப்படுத்தி உருவாகி வரும் இப்படத்தின் மூலம் அருண்ராஜா காமராஜ் இயக்குநராக அறிமுகமாகவுள்ளார். ஐஸ்வர்யா ராஜேஷ் நாயகியாக நடிக்கும் இந்த படத்தில், அவருக்கு தந்தையாக சத்யராஜ் நடித்துள்ளார். சமீபத்தில் படத்தின் டீசர் மற்றும் பாடல் வெளியாகி ரசிகர்கள் மத்தியில் நல்ல வரவேற்பை பெற்றது.
இந்நிலையில், இப்படம் வரும் டிசம்பர் 21ம் தேதி வெளியாகவுள்ளதாக சிவகார்த்திகேயன் அறிவித்துள்ளார். ஏற்கனவே அந்த தேதியில் தனுஷின் மாரி 2, விஜய் சேதுபதியின் சீதக்காதி உள்ளிட்ட வெளியாகவுள்ளன என்பது குறிப்பிடத்தக்கது.
For English News
