June 26, 2018 
தண்டோரா குழு
தமிழ் சினிமாவில் குழந்தை நட்சத்திரமாக அறிமுகமாகி இன்று உச்ச நடிகர்களில் ஒருவராக விளங்கி வருபவர் சிம்பு.அன்பானவன் அசராதவன் அடங்காதவன் படத்தின் தோல்விக்கு பின் நடிகர் சிம்பு மீது தொடர்ந்து பல்வேறு சர்ச்சைகள் கிளம்பியது.அதன் பின் எந்த படத்திலும் கமிட் ஆகாமல் இருந்த சிம்பு மணிரத்னம் இயக்கியுள்ள செக்கச் சிவந்த வானம் படத்தில் நடித்தார்.
சிம்பு ஷூட்டிங் ஸ்பாட்டுக்கு லேட்டாக வருகிறார் என சிம்பு மீது ஏற்கெனவே குற்றச்சாட்டு இருந்தது.அதனால் தான் அவரை வைத்துப் படமெடுக்கத் தயாரிப்பாளர்களும் இயக்குநர்களும் தயங்கி வந்தனர்.இனிமேல் நான் லேட்டாக வரமாட்டேன் என சிம்பு அண்மையில் வாக்குறுதி கொடுத்தார்.இதையடுத்து,மீண்டும் சிம்புவிற்கு படவாய்ப்புக்கள் குவிந்து வருகிறது.
இதற்கிடையில்,சிம்பு வெங்கட் பிரபு இயக்கத்தில் ஒரு படத்திலும் கவுதம் மேனன் இயக்கத்தில் விண்ணை தாண்டி 2 படத்திலும் நடிக்க உள்ளதாக தகவல்கள் வெளியாகி இருந்தன.இந்நிலையில் தற்போது சிம்புவை இயக்குனர் கார்த்திக் நரேன் சந்தித்துள்ள புகைப்படம் இணையத்தில் வைரலாகி வருகிறது.விஜயா புரொடக்சன்ஸ் தயாரிப்பில் சிம்புவை காரத்திக் நரேன் இயக்க உள்ளதாகவும் தகவல்கள் கசிந்துள்ளன.எனினும்,இது குறித்த அதிகாரபூர்வ அறிவிப்பு விரைவில் வெளியாகலாம் எனவும் எதிர்பார்க்கப்படுகிறது.
For English News
