April 11, 2017 
tamilsamayam.com
இயக்குனர் சுந்தர்.சி இயக்கத்தில் மிகப் பெரிய பட்ஜெட்டில் பிரம்மாண்டமாக உருவாகவிருக்கும் ‘சங்கமித்ரா’ திரைப்படத்தில் தேசிய விருது பட்டியலில் இடம்பெற்ற ஒளிப்பதிவாளர் திரு இணைந்துள்ளார்.
சமீபத்தில் இப்படத்தின் ஒளிப்பதிவாளராக அறிவிக்கப்பட்ட பிரபல ஒளிப்பதிவாளர் சுதீப் சாட்டர்ஜி விலகியதையடுத்து படக்குழு சிறந்த ஒளிப்பதிவாளரை தேடிக் கொண்டிருந்ததாக கூறப்படுகிறது.
இந்நிலையில், கடந்த சில தினங்களுக்கு முன்பாக 64வது தேசிய விருதுக்கு தேர்வு செய்யப்பட்டவர்களின் பட்டியலில், சூர்யா நடிப்பில் கடந்த ஆண்டு வெளியான ’24’ டைம் மெஷின் பற்றிய படத்தின் ஒளிப்பதிவாரான திரு என்கிற திருநாவுக்கரசர் தேர்ந்தெடுக்கப்பட்டார்.
அதைத் தொடர்ந்து திருவை சந்தித்து பேசிய ‘சங்கமித்ரா’ படக்குழு, அவரை ஒப்பந்தம் செய்துள்ளதாக திரு தனது டுவிட்டர் பக்கத்தில் தெரிவித்துள்ளார்.
இந்திய சினிமாவில் மிக பிரம்மாண்டமாக உருவாகவுள்ள ‘சங்கமித்ரா’ திரைப்படத்தில் ஜெயம் ரவி, ஆர்யா, ஸ்ருதிஹாசன் ஆகியோர் நடிக்கவுள்ளனர். இப்படத்துக்கு ஆஸ்கர் நாயகன் ஏ.ஆர்.ரகுமான் இசையமைக்கவிருக்கிறார். ஸ்ரீ தேனாண்டாள் ஃபிலிம்ஸ் நிறுவனம் தயாரிக்கவிருக்கும் இப்படத்தின் தொழில்நுட்ப கலைஞர்கள் மற்றும் படத்தில் நடிக்கும் பிற நடிகர்களின் தேர்வு தற்போது நடைபெற்று வருகிறது.
குரும்பா சமுதாயத்தினரை அவதூறாக பேசிய வழக்கறிஞர் மீது நடவடிக்கை எடுக்க கோரி கோவையில் ஆர்ப்பாட்டம்
மூளைச்சாவடைந்த 25 வயது வாலிபர் 7 பேருக்கு மறுவாழ்வு அளித்தார்!
தென் மண்டல ஆதியோகி ரத யாத்திரையை தருமபுரம் ஆதீனம் தொடங்கி வைத்தார்
இந்தோராமா இந்தியா உர உற்பத்தி நிறுவனத்திற்கு டிபிஎஸ் பேங்க் இந்தியா ரூ.670 கோடி வர்த்தக கடன்
குமரகுரு கல்வி நிறுவனங்கள் மற்றும் சிவாஞ்சலி சார்பில் டிசம்பர் 28ம் தேதி ‘வியோம்’ எனும் பிரம்மாண்ட இசை நிகழ்ச்சி
ஆசியாவின் மிகப்பெரிய உலோகம் உருவாக்கம் மற்றும் தொழில்நுட்பத்திற்கான கண்காட்சி பெங்களூருவில் ஜன 21ம் துவக்கம்
For English News
