December 3, 2018 
தண்டோரா குழு
உலகநாயகன் கமல்ஹாசன் நடித்து 22 ஆண்டுகளுக்கு முன்பு வெளியாகி வெற்றிகரமாக ஓடிய இந்தியன் படத்தின் இரண்டாம் பாகம் இப்போது தயாராகிறது. ரஜினியின் ‘2.0’ படத்துக்கு பிறகு இயக்குநர் ஷங்கர், ‘இந்தியன்’ படத்தின் 2-ஆம் பாகத்தை எடுக்கவுள்ளார்.
லைக்கா நிறுவனம் தயாரிப்பில் உருவாக உள்ள இப்படத்திலும் கமல்ஹாசன் முதியவராகவும், இளமை தோற்றத்திலும் இரு வேடங்களில் நடிக்கிறார். இப்படத்திற்கு ரவி வர்மன் ஒளிப்பதிவு செய்யவுள்ளார், டி.முத்துராஜ் கலை இயக்குநராக பணியாற்றுகிறார். தமிழ், தெலுங்கு என 2 மொழிகளில் உருவாகவிருக்கும் இந்த படத்துக்கான பிரம்மாண்ட செட் அமைக்கும் பணிகள் நடைபெற்று வருகிறது. ஷூட்டிங்கை வருகிற டிசம்பர் 14-ஆம் தேதி தொடங்கத் திட்டமிட்டுள்ளனர்.
பொள்ளாச்சியிலும் பெரும்பகுதி படப்பிடிப்பு நடக்கிறது. அரங்குகள் அமைக்கும் பணி விறுவிறுப்பாக நடக்கிறது. இதில் கதாநாயகியாக காஜல் அகர்வால் நடிப்பதாக தகவல் வெளியாகி பெரிதும் பேசப்பட்டது.
இந்நிலையில், காஜலே நேற்று நடந்த ‘கவச்சம்’ எனும் தெலுங்கு படத்தின் இசை வெளியீட்டு விழாவில் இதனை உறுதிபடுத்தியுள்ளார். தமிழ் திரையுலகம் அல்லாது தென்னந்திய சினிமாவில் பெரிதும் வலம் வருபவர் காஜல் அகர்வால் என்பது குறிப்பிடத்தக்கது.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
