May 18, 2018 
தண்டோரா குழு
ஆர்ஜே-வான பாலாஜி காமெடியனாக படங்களில் நடித்து வருகிறார். பல பிரச்னைகளுக்கும் குரல் கொடுத்து வரும் ஆர்ஜே பாலாஜி,ஐபிஎல் போட்டிகளுக்கு வர்ணனையாளராகவும் பணியாற்றி வருகிறார்.
சமீபத்தில் அவர் அரசியலில் களமிறங்குகிறார் என்ற சுவர் விளம்பரம் சமூக வலைத்தளங்களில் பரவி பலரையும் அதிர்ச்சிக்குள்ளாக்கியது. இதற்கிடையில், தனது கட்சிக் கொடியின் புகைப்படத்தை ஆர்.ஜே.பாலாஜி ஃபேஸ்புக், ட்விட்டரில் வெளியிட்டு இன்னும் பரபரப்பை ஏற்படுத்தினார்.
ஆர்.ஜே.பாலாஜி உண்மையிலேயே அரசியலில் நுழையவிருக்கிறாரா,அல்லது வேறு ஏதாவது காரணமாக இருக்குமா என்று ரசிகர்களிடையே எதிர்பார்ப்பு ஏற்பட்டது.இதற்கிடையில்,தனது அடுத்த பயணம் குறித்த அறிவிப்பு இன்று வெளியாகும் என்று ஆர்.ஜே.பாலாஜி அறிவித்திருந்தார்.
இந்நிலையில், ஆர்.ஜே.பாலாஜியின் அடுத்த படம் குறித்த அறிவிப்பு இன்று வெளியானது. ஆர்.ஜே.பாலாஜி அடுத்ததாக `எல்கேஜி’ என்றபடத்தில் நடிக்கிறார்.பிரபு இயக்கும் இந்த படத்தில் ஆர்.ஜே.பாலாஜி அரசியல்வாதியாக அவதாரம் எடுத்திருக்கிறார். இந்த படத்தில் ஒரு முக்கிய கதாபாத்திரத்தில் நடிகை ப்ரியா ஆனந்தும் நடிக்கிறார்.
வேல்ஸ் பிலிம் இன்டர்நேஷனல் உரிமையாளர் டாக்டர்.ஐசரி கணேஷ் தயாரிக்கும் இந்த படத்திற்கு லியோன் ஜேம்ஸ் இசையமைக்கிறார்.அரசியலை மையப்படுத்தி காமெடி படமாக உருவாகும் இந்த படத்தின் படப்பிடிப்பு இன்று துவங்கியிருக்கிறது.
இதுகுறித்து ஆர்.ஜே.பாலாஜி தனது டுவிட்டர் பக்கத்தில்,
`நான் அரசியலுக்கு வருகிறேன் திரைப்படத்தின் வாயிலாக. LKG’ என்று கூறியுள்ளார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
