January 5, 2017
tamil.samayam.com
தனது 57வது படத்தின் போஸ்டரை நடிகர் அஜீத் பொங்கலன்று ரசிகர்களுக்கு வெளியிடுகிறார்.
நடிகர் அஜீத் தற்போது தனது 57வது படத்தில் நடித்து வருகிறார். படத்திற்கு இன்னும் பெயர் வைக்கவில்லை. 2015ல் அஜீத் நடித்த ‘வேதாளம்’ படம் வெளியானது. அதையடுத்து அவர் அறுவை சிகிச்சை செய்து கொண்டு மாதக்கணக்கில் ஓய்வில் இருந்ததால் கடந்த ஆண்டு அவர் நடித்த படம் எதுவும் வெளியாகவில்லை.
தற்போது அஜீத் தனது 57வது படத்தில் விறுவிறுப்பாக நடித்துக் கொண்டிருக்கிறார். தொடர்ந்து பல்கேரியா நாட்டில் தொடர்ந்து படப்பிடிப்பு நடை பெற்று வந்த நிலையில், பனிப்பொழிவு காரணமாக கடந்த மாதம் அங்கிருந்து இந்தியா திரும்பினர். இந்நிலையில், ஜனவரி 18-ம்தேதி முதல் மீண்டும் பல்கேரியாவில் படப்பிடிப்பு தொடங்க உள்ளது. மேலும், அஜீத்தின் 57வது படம் சம்பந்தப்பட்ட சில புகைப்படங்கள் மட்டுமே இதுவரை வெளியான நிலையில், பொங்கல் அன்று அப்படத்தின் அறிமுக போஸ்டரை வெளியிட்டு தனது ரசிகர்களுக்கு பொங்கல் விருந்தளிக்க அஜீத் முடிவு செய்திருக்கிறார்.