January 18, 2021
தண்டோரா குழு
சிலம்பரசன், கவுதம் கார்த்திக் இணைந்து நடிக்கும், பத்து தல படத்தின் பர்ஸ்ட் லுக் போஸ்டரை படக்குழு இன்று வெளியிட்டுள்ளது.
சில்லுன்னு ஒரு காதல், நெடுஞ்சாலை படங்களை இயக்கிய ஓபிலி என்.கிருஷ்ணா இப்படத்தை இயக்குகிறார். ப்ரியா பவானிசங்கர், டீஜே, மனுஷ்யப்புத்திரன், கலையரசன், கிருஷ்ணகுமார் உள்ளிட்ட பலர் முக்கிய வேடத்தில் நடிக்கின்றனர்.
ஞானவேல்ராஜா தயாரிக்கும் இப்படத்தின் போஸ்டரில் சிம்பு நாற்காலி ஒன்றில் அமர்ந்தபடி முகத்தை திருப்பி அமர்ந்திருக்கிறார். மற்றொரு போஸ்டரில் மற்ற நடிகர்கள் இடம் பெற சிம்பு முகம் தெரியாத அளவுக்கு உள்ளார்.
விண்ணைத்தாண்டி வருவாயே, அச்சம் என்பது மடமையடா படத்திற்கு பின் மூன்றாவது முறையாக சிம்புவின் படத்திற்கு இசையமைக்கிறார் ரஹ்மான் என்பது குறிப்பிடத்தக்கது.