October 3, 2019 
தண்டோரா குழு
அட்லீ இயக்கத்தில் உருவாகும் பிகில் படத்தை தொடர்ந்து மாநகரம், கைதி படங்களை இயக்கிய லோகேஷ் கனகராஜ் இயக்கத்தில் விஜய் நடிக்கவுள்ளார். இப்படத்தில் மாளவிகா மோகனன் விஜய்க்கு ஜோடியாக நடிக்கவுள்ளார்.மேலும்,முக்கிய கதாபாத்திரத்தில் விஜய் சேதுபதி, மலையாள நடிகர் ஆண்டனி வர்கீஸ், சாந்தனு ஆகியோர் நடிக்கவுள்ளனர்.
விஜயின் உறவினர் சேவியர் பிரிட்டோ தயாரிக்கும் இப்ப்டத்திற்கு அனிருத் இசையமைக்கிறார். இந்நிலையில், சென்னை தரமணி பிலிம் சிட்டியில் இப்படத்தின் படப்பிடிப்பு இன்று பூஜையுடன் துவங்கியது. படத்தின் பூஜையில் விஜய், விஜய்சேதுபதி, மாளவிகா மோகனன், சாந்தனு உள்ளிட்டோர் கலந்து கொண்டனர். நடிகர் விஜய் வழக்கம்போல் பேண்ட் சர்ட் அணிந்து வந்திருக்க, விஜய்சேதுபதியும் அனிருத்தும் வேட்டி சட்டை அணிந்து வந்திருந்தனர்.
இதுகுறித்து ட்விட்டர் மொமெண்ட் இந்தியா, விஜய் மற்றும் விஜய் சேதுபதி ஒன்றாக இருக்கும் புகைப்படத்தைப் பதிவிட்டு,
“விஜயும், விஜய் சேதுபதியும் இணைந்து ‘தளபதி64’ சூட்டிங்கை அதிகாரப்பூர்வமாக தொடங்குவதைப் பார்க்க ரசிகர்கள் உற்சாகமாக இருக்கின்றனர்” என்று ட்வீட்டியுள்ளது.
For English News
