March 21, 2019
தண்டோரா குழு
தமிழ் சினிமாவில் முன்னணி நடிகராக வலம்வருபவர் சிவகார்த்திகேயன்.ராஜேஷ் இயக்கத்தில் மிஸ்டர் லோக்கல் படத்தில் நடித்து முடித்து தற்போது இயக்குநர் பி.எஸ்.மித்ரன் இயக்கத்தில் நடித்து வருகிறார்.இப்படத்தை தொடர்ந்து பண்டியராஜ் இயக்கத்தில் சன் பிக்சர்ஸ் தயாரிப்பில் சிவகார்த்திகேயன் நடிக்கவுள்ளார்.
இந்நிலையில்,சிவகார்த்திகேயனின் அடுத்த படம் குறித்த அறிவிப்பு வெளியாகியுள்ளது.லைகா நிறுவனம் பிரம்மாண்டமாக தயாரிக்கவுள்ள இப்படத்தை விக்னேஷ் சிவன் இயக்கவுள்ளார்.சிவகார்திகேயனுடன் விக்னேஷ் சிவன் இணைவது இதுவே முதல் முறை.இப்படத்திற்கு அனிருத் இசையமைக்கிறார்.மேலும் இப்படத்தின் படப்பிடிப்பு ஜுலையில் துவங்கும் என்றும் 2020ல் படம் வெளியாகும் என்றும் தயாரிப்பு நிறுவனம் அறிவித்துள்ளது.தொடர்ந்து வெற்றி படங்களை தயாரிக்கும் லைக்கா நிறுவனம் காப்பான்,இந்தியன் 2 போன்ற படங்களை வெளியிடவுள்ளது என்பது குறிப்பிடத்தக்கது.