December 14, 2021 
தண்டோரா குழு
நடிகர் அர்ஜுனுக்கு கொரோனா தொற்று உறுதிப்படுத்தப்பட்டுள்ளதாக நடிகர் அர்ஜுன் தனது இன்ஸ்டாகிராமில் அறிவித்துள்ளார்.
தமிழில் பல ஆக்ஷன் படங்களில் நடித்தவர் ஆக்ஷன் கிங் அர்ஜுன்.இயக்குநர் ஷங்கரின் முதல் படமான ‘ஜென்டில்மேன்’ படத்தில் ஹீரோவாக நடித்த அர்ஜுன் அதன் பிறகு மீண்டும் ஷங்கர் இயக்கத்தில் முதல்வன் படத்தில் நடித்தார். தமிழ், தெலுங்கு என பல மொழிகளில் நடித்து வரும் அர்ஜுன் ஜீ தமிழ் தொலைக்காட்சியில் கடந்த செப்டம்பர் மாதம் முதல் ஒளிபரப்பாகி வந்த ‘சர்வைவர்’ நிகழ்ச்சியின் மூலம் டிவி தொகுப்பாளராகவும் அறிமுகமானார்
இந்நிலையில் தனக்கு கொரோனா தொற்று ஏற்பட்டிருப்பதாக இன்ஸ்டாகிராமில் அறிவித்துள்ளார்.
தனது இன்ஸ்டாகிராம் பக்கத்தில்,
“எனக்கு கொரோனா தொற்று உறுதி செய்யப்பட்டுள்ளது. நான் தேவையான அனைத்து வழிமுறைகளையும் பின்பற்றி என்னைத் தனிமைப்படுத்திக் கொண்டிருக்கிறேன். என்னோடு தொடர்பில் இருந்த அனைவரும் தங்களைப் பரிசோதித்துக் கொள்ளுமாறு கேட்டுக்கொள்கிறேன். நான் நன்றாக இருக்கிறேன். அனைவரும் தயவுசெய்து பாதுகாப்பாக இருக்கவும். முகக்கவசம் அணிய மறந்து விட வேண்டாம்” எனக் குறிப்பிட்டுள்ளார்.
For English News
